Mynproduksie in SA daal

Argieffoto

Statistiek SA het Donderdag gesê mynproduksie in Suid-Afrika het in Mei vandeesjaar met 2,6% jaar-op-jaar afgeneem.

Goud, steenkool en mangaanerts was die hoof- negatiewe bydraers met goud wat 16,2% geval het vergeleke met Mei 2017. Steenkool-uitset het met 4% geval en mangaanerts met 23%.

Alhoewel die oorhoofse produksie afgeneem het, is minerale verkope 15,1% hoër as in Mei 2017.

Mynproduksie wat seisoenaal aangepas is in die drie maande tydperk wat in Mei 2018 geëindig het, het vergeleke met die vorige drie maande met 2,6% afgeneem. Agt van die 12 minerale en minerale groepe het negatiewe groei getoon.

Dié syfers kom dae ná die Minerale Raad van Suid-Afrika gesê het dat driekwart van die land se goudmyne nie-winsgewend geword het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Chris Ws

Ek wonder of daar nog myners is wat hulle “call” kry een maal ‘n jaar?Ek twyfel sterk.Hierdie is ‘n aanduiding waarheen myne oppad is.Die dae van goeie produksie syfers behaal is geskiedenis.

Gemaskerde Sopbeen

Gou. Nasionaliseer die myne…..voor juju hier lees!!

bert

Ek dink die werkers met hul belaglike looneise werk hulself uit hul job uit.
Myne is net nie meer winsgewend nie en ‘n belegger sal slegs investeer as hy ‘n opbrings uit sy belegging kan verwag.
Ek praat nog nie eers van onteiening nie, die myne is waarskynlik na die grondonteiening aan die beurt.

Weti meer

Chris Ws ons sit dan met drie keer n week blaas n myner op n paneel….dis belaglik.

Ja Nee

Al wat nie daal in SA is die petrol prys