Die N1 tussen Beaufort-Wes en Leeu-Gamka in die Wes-Kaap is Dinsdag gesluit vir verkeer nadat twee vragmotors reg van voor gebots het.
Die vragmotors het ná die botsing aan die brand geraak.
Twee mense, vermoedelik die onderskeie bestuurders van die vragmotors, is in die voorval dood.
Jandré Bakker, woordvoerder van die provinsiale departement van vervoer, het by navraag aan Maroela Media gesê ’n insleepdiens is tans op die toneel om een van die vragmotors uit die pad te sleep.
’n Stop-en-ry-stelsel sal dan ingestel word om ’n opeenhoping van vragmotors in die omgewing te verlig. Ligte voertuie word tans via Prins Albert herlei.
Ai dis so hartseer. Ek dink aan die mense se gesinne en geliefdes.
Daardie stuk pad tussen Laingsburg en Beaufort Wes, staan ook bekend as “Die pad van die dood”
Lang, eentonige stuk pad met baie vragmotors, busse en taxi’s – mense raak aan die slaap, ry te vinnig en vat onnodige kanse
Trokke veroorsaak daagliks ongelukke, dit is tyd dat Adelle Kirsten van GFSA nou ‘n plan uitwerk om dit te bekamp aangesien sy so slim is