N2 by Grabouw gesluit

Die N2 by Grabouw is sedert vroegoggend gesluit nadat betogers klippe op dié pad begin gooi het. (Foto: Verskaf)

Die N2-snelweg by Grabouw aan die voet van Sir Lowryspas in die Wes-Kaap is Maandagoggend gesluit weens protesaksie.

Kenny Africa, Wes-Kaapse verkeershoof, het gesê die snelweg is sedert vroegoggend gesluit nadat betogers klippe op dié pad begin gooi het.

“Die verkeer vanaf Kaapstad word weggewys via die Visroete – Gordonsbaai en Kleinmond om weer terug te keer na Botrivier,” het Africa vroegoggend gesê.

Africa het motoriste gemaan wat vanaf Caledon en Hermanus na Kaapstad beweeg om eerder al langs die kusroete deur Kleinmond en Gordonsbaai te beweeg om terug op die N2 in die rigting van die Moederstad te ry.

Die N2 by Grabouw is sedert vroegoggend gesluit nadat betogers klippe op dié pad begin gooi het. (Foto: Verskaf)

Dit is in dié stadium onduidelik waaroor die betogers ongelukkig is.

Maroela Media wag op terugvoer van die polisie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Erika

Hierdie mense moet vir ‘n slag gevang word. Dit is soos by De Doorns wat klip gegooi word om vragmotor te beroof of druiwe verkoop word om mense te beroof. Regtig die polisie moet hierdie paaie of vaste basis patroller..Geliefdes van mense sterf terwyl hulle probeer die pot aan die kook hou by hul huise!! Waarom word plakkers elkgeval teen hoofweë opgerig?? Wie sit agter hierdie mense?????

barend

hulle het mos nou klaar gestem?

Rissiepit

BArend, ek is van Grabouw en dit het absoluut nix met politiek te doen nie. Hulle staak omdat mense van Oak Valley (‘n plaas in grabouw wat blomme en wyn verskaf) die mense tans onder die belt betaal. Dit het boggerol met politiek uit te waai ni!!

Jack Sadie

Hulle kom van elders om hul stemme hier te kom dik maak. Maar mens moet mos ook simpatiek wees: Miskien wil hulle net verseker dat die Weskaap se paaie so klipperig is soos die Oos-Kaap s’n?

BMW

Dit is reg , klaar weer gestem vir blackmonopoly for burning and looting!!!!!!