Daar is Saterdagoggend besluit om verkeer na die N2-snelweg by Plettenbergbaai in die Wes-Kaap te herlei nadat dié pad die afgelope week weens gewelddadige betogings gesluit was.
Manfred van Rooyen, woordvoerder van die Bitou-munisipaliteit, het in ’n verklaring gesê dié besluit is ná behoorlike oorweging omtrent die veiligheid van voertuie en voetgangers geneem.
“Dit beteken dat die N2 oop is,” lui die verklaring.
Maroela Media het vroeër berig drie mense is dood toe ʼn bus Vrydag in die vroeë oggendure op die lughawepad op pad na Plettenbergbaai omgeslaan het. Die bestuurder van die bus moes van die alternatiewe roete gebruik maak weens die betogings op die N2.
Kenny Africa, Wes-Kaapse verkeershoof het gesê 43 insittendes is ook in die voorval beseer en is na hospitale in die omgewing geneem, terwyl nog 23 by ʼn gemeenskapsentrum in die dorp versorg is. Twee passasiers was later die oggend nog in die wrak vasgekeer.
Die snelweg was dae lank gesluit. Die munisipaliteit het volgehou dat die betogers se optrede nie as ʼn diensleweringsbetoging beskou is nie, maar eerder as misdadigheid. Buitebande is op die snelweg aan die brand gesteek en motoriste is met klippe bestook. Betogers het ook vroeër die week die dorp se nywerheidsgebied geplunder.
Dit is nie in dié stadium duidelik of enige betogers rakende vandeesweek se geweld in hegtenis geneem is nie.
En ek hoop die betogrrs word aangekla van moord vir daai bus ongeluk
En die polisie kyk plaas hulke iets doen vir n slag ….USELESSS ! !
Chaos heers in SA!
Tyd vir ‘n NOODTOESTAND waar die WEERMAG beheer neem van grootskaalse misdaad en plundering.
Aandklokreël, padblokkades en deursoeking!!!
nou le n onskuldige vrou in die hospitaal.polisie en regering pateties…waarvoor nog n useless weermag he …sekeres kan mos net afbreek…..dan wonder hulle hoekom hulle niks het…