Vragmotorbestuurders het Donderdag vroegoggend die N3-snelweg by die Van Reenenspas in KwaZulu-Natal tot stilstand gedwing. Motoriste word nou aangeraai om die roete te vermy indien moontlik.
Thania Dhoogra, bedryfsbestuurder van die N3-tolkonsessie (N3TC), het vanoggend aan Maroela Media gesê vragmotorbestuurders het die snelweg in albei rigtings versper wat tans hewige verkeersopeenhopings veroorsaak.
Die Tugela-tolplaza by Ladysmith is intussen op versoek van wetstoepassingsowerhede gesluit vir noordwaartse verkeer. Noordwaartse verkeer word tans van die N3 af by die Colenso/Frere-wisselaar herlei.
Dhoogra sê die wetstoepassingsowerhede is op die toneel. Dit is egter nie duidelik wanneer die snelweg weer oopgestel sal word nie.
“Ons verwag vertragings en raai motoriste aan om dus eerder weg te bly aangesien nog verkeer moontlik tot die chaos kan bydra.”
#sapsKZN⚠️The N3 has been blocked at Van Reenen Pass Near Windy Corner. Both lanes are closed to traffic. Traffic is being diverted to alternate routes. #SAPS members are on the scene and monitoring the situation. NP pic.twitter.com/pbiSqIr74b
— SA Police Service ???????? (@SAPoliceService) June 16, 2022
10h31 16/06 #TrafficAlert: #Obstruction on #VanReenenPass due to trucks blocking the road in both directions. #TugelaPlaza is CLOSED to #Northbound traffic. #JhbBound traffic diverted off the N3 at Colenso/Frere Interchange. Please delay travel to the area.
— N3 Toll Concession (@N3Route) June 16, 2022
En so skitter die ANC op elke vlak in hierdie land.