Naam bekend van man wat in motor doodbrand

Werner Strydom (Foto: Facebook)

Die polisie in Limpopo het Donderdag die naam bekend gemaak van die 39-jarige man wat Woensdag in ʼn brandende motor gesterf het.

Brig. Motlafela Mojapelo, woordvoerder van die polisie, het bevestig Werner Hugo Strydom is in die brandende motor gevind. Hy het aan Maroela Media gesê die polisie ondersoek inligting dat Strydom sy eie lewe geneem het.

Maroela Media het vroeër berig die motor het langs ʼn ou gebou van die Pekoe View-teetuin naby Magoebaskloof buite Tzaneen parkeer gestaan.

Die polisie is ontbied nadat inligting ontvang is oor ʼn motor wat brand. Volgens inligting het Strydom met die R71 na Pekoe View gery en sy motor het kort daarna begin brand. Die ondersoek sal die oorsaak van die brand bepaal.

Pekoe View-teetuin, wat vroeër jare bekend was vir sy uitsig oor die teeplantasies, het in 2016 sy deure gesluit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
Baksteen

Jammer my maat, mag jy nou vrede vir jou siel he, RIP

Stiena

So soo tragies.

Mrs.B

Sy familie en vriende is in ons gebede. Om iemand af te staan aan die dood, is nie maklik om te verwerk nie. Mag jou siel rus in vrede.

LS

Dis is so hartseer !!!
Rus in vrede !!!
Sterkte aan al die familie en vriende in hierdie moeilike hartseer tyd.

Faidan

My innige meegevoel aan Werner se vriende en familie.
Hy was op ons verf groepie en het in die week nog gewys die mooi spieelkas wat hy klaargemaak het. Hy het Woensdag oggend nog gevra vir ‘n vrou om vir hom ‘n katalogus te stuur oor embelishments. Iemand wat sy eie lewe wou neem gaan mos nie nog plan maak vir toekomstige verf projekte nie? Rus sag Werner. Gaan jou mooi projekte mis op die groepie xxx