Naam van vermoorde Lindley-boer bekend

Argieffoto: Reint Dykema

Argieffoto: Reint Dykema

Die polisie het Sondagmiddag die naam van die Vrystaatse boer wat dood is nadat hy Saterdagaand wreed op sy plaas aangeval is, bevestig.

Kol. Annelie Wrensch, woordvoerder van die polisie, het aan Maroela Media gesê die 77-jarige Hein Smith van die plaas Rondekom is Saterdagnag aangeval, maar eers Sondag omstreeks 08:00 deur sy bure ontdek.

Maroela Media het vroeër berig Smith is ’n ent van sy huis af gekry waar hy deur die aanvallers vasgemaak was. Hy was glo ernstig beseer nadat die aanvallers hom gebrand en erg aangerand het. Hy is kort ná sy aankoms by ʼn hospitaal oorlede.

Volgens Wrensch word vermoed dat drie verdagtes Smith oorval het. Hy is deur ’n buurman gevind wat gaan ondersoek instel het nadat Smith se bakkie verlate buite die plaas gevind is en hy nie geantwoord het toe mense hom probeer bel het nie. Smith het alleen gebly.

“Smith se naasbestaandes is van sy dood ingelig,” het Wrensch gesê. “’n Saak van moord en gewapende roof word ondersoek.” Wrensch kon nie in hierdie stadium bevestig waarmee Smith gebrand is nie.

Ian Cameron, AfriForum se hoof van gemeenskapsveiligheid, het die moord ten sterkste veroordeel en dit as ʼn tragedie bestempel. “Al manier hoe ons [plaasaanvalle] kan keer en verminder, is om mense by plaaslike veiligheidstrukture betrokke te kry. Gemeenskapgesentreerde selfdoen-veiligheid is al manier – ons kan nie meer op die regering staatmaak nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Chris

Die enigste en vinnigste oplossing is om die kommandostelsel terug te bring.

LEON

Die vraag is net, gaan dit help. Hoe lank gaan dit net nie vat om die Kommando Strukture weer in plek te kry nie , en hoeveel boere moet nog vermoor word in die tyd ? Ek stel voor dat die minister van die betrokke department aangekla word vir al die moorde.

Tersia

Steeds verslae!! Sterkte F , I en kinders!
Ek is dankbaar vir wat Oom Hein vir ons en my ma beteken het! Rus in Vrede liefste Oom!

jeanette

Rus in vrede oom hein F I en kinders ons bid vir aanvaarding en krag

FM

Afriforum moet n slag vir ons president op nasionale televisie vra of hy nie plaasmoorde wil veroordeel nie.Ek sal graag wil hoor wat is sy mening en wat hy gaan doen om dit te prioritiseer. Miskien moet hulle ook vir hom die wreedaardigheid wwys.Maar onse pres is seker te besig, né?