Nando’s slaan vure dood ná rasherrie oor geselsprogram

‘n Skermgreep van die uitsending. Van links is aanbieder Gareth Cliff, Mudzuli Rakhivhane, verbonde aan die One South Africa Movement en DA-leier John Steenhuisen. (Skermgreep: Twitter)

Nando’s het sy borgskap van The Burning Platform-program op CliffCentral met onmiddellike inwerkingtreding opgeskort nadat ʼn herrie oor die program losgebars het.

Nando’s, ewe bekend vir sy peri-peri-hoender as vir sy satiriese advertensies, het Saterdag in ʼn verklaring gesê hy steun gesonde debat en die reg op vryheid van spraak. Daarom belê hy reeds jare lank in platforms wat openhartige debat bevorder oor belangrike kwessies wat Suid-Afrikaners in die gesig staar.

Nando’s borg al langer as vyf jaar die program op die web-radiostasie en sê daar was oor die jare verskeie geleenthede waar hy nie met die menings van gaste of aanbieders op CliffCentral saamgestem het nie. Die maatskappy glo egter daarin dat die reg om daardie menings te lug gehandhaaf moet word as ʼn belangrike deel van ʼn gesonde konstitusionele demokrasie.

In die jongste voorval het aanbieder Gareth Cliff egter versuim om ʼn “ruimte te skep waar vryheid van spraak moontlik is deur oor Mudzuli Rakhivhane te praat en haar mening af te maak terwyl sy terselfdertyd nie toegelaat is om dit behoorlik uit te druk nie”, lui Nando’s se verklaring.

Gareth Cliff. (Foto: Facebook)

Rakhivhane is verbonde aan die One South Africa Movement

Die herrie spruit uit die gesprek tussen Cliff, Rakhivhane en DA-leier John Steenhuisen. Daar was ʼn bespreking oor die DA se plakkate wat in Phoenix in KwaZulu-Natal opgesit en ná openbare teenkanting en bewerings dat die plakkate rassisties is, verwyder is.

Cliff het tydens die onderhoud gesê rassisme is onderaan Suid-Afrikaners se lys van prioriteite, terwyl Rakhivhane aangevoer het hulle “ondervind duidelik nie die soort rassisme wat ek op ʼn daaglikse basis ondervind nie”.

Cliff het hierop gesê Rakhivhane se ondervinding is “anekdoties” en “onbelangrik”.

Sy opmerkings het groot woede onder talle mense veroorsaak.

Nando’s het kort daarna getwiet dat hy ʼn trots Suid-Afrikaanse handelsmerk is wat die reg op vryheid van spraak uiters ernstig opneem en die kwessie gaan ondersoek.

Saterdag het die maatskappy die gebeure as “uiters teleurstellend” bestempel en gesê dit is teenstrydig met die redes waarom hy oorspronklik besluit het om The Burning Platform te borg.

“Weens Gareth se optrede op 21 Oktober [die dag waarop die program uitgesaai is], het ons ook die besluit geneem om ons borgskap van The Burning Platform onmiddellik op te skort.

Cliff is geen vreemdeling vir omstredenheid nie en sy uitlatings het hom in die verlede al telkens in die sop laat beland.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

63 Kommentare

jongste oudste gewildste
Adriaan

Pure virtue signalling van Nandos se kant af.

Harley Davidson

Rasisme is baie lewendig in Suid-Afrika, kwota sisteme in sport,SEB,nedflix wat nie huidige benaadeelde minderhede beurse gee die die regering wat openlik diskrimineer teen huidige benaadeeldes 27 jaar na apartheid gesneuwel het,dit is alles voorbeelde van Rasisme gebaseer op die kleur van jou vel.

Dries

Nandos,jy wat self in GLASHUIS bly,moenie klippe gooi na ander nie.Jy NANDOS,wat n ryke geskiedenis het aan “satiries” pseud RASSISTIESE ads,wil nou vir Cliff hom voorsê.Toppunt vanHYPOCRISY,imo.
En dan maak die realistiese waarheid darm baie seer nê.

Shakespeare

Rassisme word op n gereelde daaglikse basis deur die regering teen blankes gebruik en sy sanik oor rassisme ? Julle kaders is by verre die meeste rassisties en dit word al hoe erger. Ek stem saam met Cliff. Julle stem vir die ANC/EFF en leef soos weggooi oorskot. Kry verstand asb. Nandos ek het in elk geval nog nooit respek vir julle of jul produkte gehad nie.

Anton

Almal het vryheid van smaak behalwe as jy met rassistiese aanvalle verskil