Argieffoto bloot ter illustrasie. (Foto: Danielle Dolson/Unsplash)
’n Nat Paasnaweek word in die meeste dele van die land verwag. Dit sluit in KwaZulu-Natal waar inwoners reeds sukkel om (letterlik) kop bo water te hou weens onlangse oorstromings.
Lulama Pheme, ’n weervoorspeller verbonde aan die weerdiens, sê reën sal van Vrydag in die verste suidwestelike dele van KwaZulu-Natal “nader aan Lesotho” begin uitsak voordat die res van die provinsie se reën Saterdag sal volg.
Die reën sal volgens Pheme nie uitermatig wees nie, hoewel dit ongetwyfeld die situasie in die provinsie sal vererger.
Reën word van Vrydag vir Gauteng, Noordwes en die Vrystaat voorspel.
Die reën sal na verwagting die hele Paasnaweek lank duur. Dit is nie in dié stadium duidelik wanneer die reën sal opklaar nie met ’n moontlike afsny-laagdrukstelsel wat teen volgende naweek weer kan inbeweeg.
Koue hiér verwag
Pheme sê die temperatuur sal van Vrydag veral in dele van die Noord-Kaap, onder meer op Sutherland, begin daal.
Die ooste van die Wes-Kaap, die Beaufort-Wes-omgewing, en die Oos-Kaap kan van Saterdag “koel tot koue” weer verwag.
???? BREAKING: EARLY FORECAST SUGGESTS ANOTHER ROUND OF POTENTIALLY STRONG THUNDERSTORMS WITH HEAVY DOWNPOURS IN GAUTENG & FLOOD-HIT KWAZULU-NATAL, THIS COMING EASTER WEEKEND!!!
????THIS ADVANCED FORECAST IS SUBJECT TO CHANGE, BUT WE’RE CLOSELY MONITORING DEVELOPMENTS!!!
— Gauteng Weather (@tWeatherSA) April 12, 2022
Mag dit maar reen ondergonds se hulp bronne het dit broot noodig anders droog die boorgate op
Mag die Oos Kaap Geseen word met honderde mm.
Ons het die water nodig. Die winter kom.
Sal werklik nie omgee as daai reën bietjie in Limpopo kan uitsak nie!
stuur al KZN se reen vir ZCC moria
Moet nie vir “te veel” reèn bid of vra nie, jul het gesien wat in Natal besig is om te gebeur!
Prys die Heer?