Nazisme – twee stelle reëls?

Beeld se voorblad op 21 Februarie 2014 oor studente-aangeleenthede by die  NWU se Potchefstroomkapmus

Beeld se voorblad op 21 Februarie 2014 oor studente-aangeleenthede by die NWU se Potchefstroomkapmus

Dr. Pieter Mulder, leier van die Vryheidsfront Plus, het sy misnoeë uitgespreek dat die minister van hoër onderwys, Blade Nzimande, nog nie reageer het op Nazi-uitlatings deur Wits se SR-voorsitter nie.

“Verlede jaar groet die dames van die NWU-Puk kampus hulle koshuis met dans-choreografie. ʼn Deel van die dans-choreografie is dat hulle hulle arms na die koshuis uitsteek. Dit ontplof as Nazisme in Beeld,” verduidelik Mulder. “In gesprekke met die verskrikte dames blyk dit dat hulle nie vir ʼn oomblik Hitler of Nazisme probeer naboots het nie en naïwelik verbaas is oor die reaksie.”

Mulder het gesê die Puk-koshuisgroet het ʼn voorbladberig in Beeld tot gevolg gehad, ʼn binnebladsy vol foto’s en berigte, ʼn hoofartikel, diepte artikels en geëindig met die minister wat intree en die Wessels-kommissie van Ondersoek wat die Universiteit instel.

“Die Studenteraadsvoorsitter van Wits sê hy is lief vir Hitler en bewonder hom. Dit is nie onbewustelike naïwiteit soos by die Puk-dames nie. Hy argumenteer sy standpunt deur na Duitse motors te verwys en hoe Hitler Duitsland gered het (Beeld 29/4/2015),” het Mulder bygevoeg. “Beeld het ʼn enkele berig daaroor op bladsy 16 net voor die Sakedeel. Is daar fout met my as ek ʼn soortgelyke reaksie as met die NWU-Puk dames verwag het? Gaan die minister nog reageer? Waarom word die twee gevalle verskillend hanteer? Waarom geld een stel reëls vir die Wits studente en ʼn ander stel vir die NWU-Puk studente? Ek dink ek weet waarom en is moeg vir dubbele standaarde.”

Intussen is Mcebo Dlamini, die omstrede SR-voorsitter, uit sy amp verwyder nadat hy skuldig bevind is aan wangedrag. Prof. Adam Habib, visekanselier van Wits, het egter gesê die skorsing hou nie verband met Dlamini se uitlatings oor Hitler nie. Hy het nie gesê watter aanklagte teen Dlamini gebring is nie. Klik hier om meer te lees.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Nic Grobler

Dr Mulder is volkome korrek. Die dubbele standaarde skree ten hemele. Vir my is die teleurstelling met die pers (lees BEELD) groter as met die kommunistiese minister. Van laasgenoemde verwag mens nie veel nie. Die uitdruklike verklaring deur Habib dat die SR voorsitter nie weens sy Hitler uitlatings geskors is nie laat mens ook oor WITS se standpunt in die duister.

Gerhard

Dis maklik. Mnre. Basson en Wessels het geen agenda teen Wits nie. Hulle ondergrawe net Afrikanerinstellings.

Nic Grobler

Dr. Mulder is volkome korrek. Die dubbele standaard skrei ten hemele. Vir my is die groter teleurstelling die reaksie van die media (lees BEELD). Van die kommunistiese minister verwag mens nie anders nie.

Piet Smith

Beeld is Afrikaans maar nie vir Afrikaners nie hier is die bewys. Wonder net wie in die regering wil hulle beïndruk?

Gwen

dankie aan die VF+ wat vir geregtigheid veg. Ek het nie ’n woord van die DA hieroor gehoor nie. Hulle is seker te besig om te kyk hoeveel geld Moesie gemors het tydens die verkiesing toe hy volgens die DA die premier van Gauteng sou word.