Nedlac kom ooreen oor ekonomiese herstelplan

Pres. Cyril Ramaphosa. (Foto: GCIS)

Daar is op ʼn aksieplan vir ekonomiese herstel ooreengekom wat nou deur die kabinet oorweeg en gefinaliseer sal word. Die plan is daarop gerig om vertroue te wen en die land op ’n pad van beleggings en groei te plaas.

Volgens die presidensie is die ooreenkoms Dinsdag tydens ʼn sitting van die nasionale ekonomiese ontwikkeling- en arbeidsraad (Nedlac) geformaliseer. Pres. Cyril Ramaphosa het as voorsitter tydens die sitting opgetree.

“Die maatskaplike vennote se aksieplan is gegrond op beduidende ooreenstemming oor wat gedoen moet word om die ekonomie op ’n nuwe, versnelde, inklusiewe en transformerende groeitrajek te plaas.”

Ramaphosa het gesê die maatskaplike vennote het prioriteitsareas geïdentifiseer om die ekonomie te herbou sowel as strukturele hervormings en ander programme wat volhoubare en inklusiewe groei moontlik sal maak met ’n intensiewe fokus op werkskepping.

Daar is ook ooreengekom dat die regering, sakesektor, vakbonde en gemeenskappe daartoe verbind is om finansiering te mobiliseer om Eskom se finansiële krisis op ’n volhoubare manier aan te pak in ruil vir ’n doeltreffende en produktiewe Eskom wat elektrisiteit teen bekostigbare pryse vir gemeenskappe en nywerhede opwek.

“Die aksieplan vir ekonomiese herstel identifiseer die rolle en verantwoordelikhede van al die maatskaplike vennote – die regering, gemeenskappe, vakbonde en die sakesektor – wat hul verbintenis tot die implementering van die plan aangedui het.”

Ramaphosa sal die besonderhede van die plan bekendmaak sodra dit deur die kabinet gefinaliseer is. Die president het die aksieplan verwelkom en dit beskryf as ’n bewys van samewerking wat ’n “belangrike mylpaal in die geskiedenis van ons demokrasie en die koms van ’n nuwe era van vertroue” opgelewer het.

“Dit is ’n groot prestasie wat bo die uitdagings van die oomblik uitstyg,” het Ramaphosa gesê.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Stefan

Samewerking in die rsa beteken die een deel sal die heeltyd moet voorsien terwyl die ander deel die heeltyd ontvang en dan nog uiters ontevrede is ook.

Persheks Adri

Kom ons raai: hy gaan almal wat BEE is werk gee en ons moet betaal. Dis die enigste transformasie waarvan hy praat! Ag wat ookal Cyril ons glo niks nie

#Tsek ANC tsek

Persheks Adri

Julle doen wat julle wil so voeter voort! Jy gaan nie reg kom met julle rassisme nie Cyril ons is keelvol verby

#Tsek ANC tsek

Jakes

As ek nie geweet het dat ons in September is nie sou ek die kamtige ekonomiese plan as n Aprilgek grap beskou. Na 26 jaar aan bewind kon die ANC regering niks reg vermag nie maar wil nou skielik n nuwe begin maak om die ekonomie n hupstoot te gee. Net gister was daar berig dat SA oppad is na n mislukte staat en dit is ongetwyfeld n feit.

Nie Verbaas

Ekonomiese groei? Ek hoop hulle het n persentasie ingesluit wat vir voortdurende korrupsie, plundering en totale wanbestuur kompenseer.