Nege verdagtes wat glo by bloulig-rooftogte en -kapings betrokke is, is in Gauteng in hegtenis geneem.
’n Multidissiplinêre span bestaande uit lede van die taktiese reaksiespan, die honde-eenheid, speurders van die provinsiale eenheid vir ernstige geweldsmisdaad en private sekuriteitsmaatskappye het op 29 en 30 Maart inligting opgevolg oor ’n groep verdagtes wat na bewering met ’n reeks kapings verbind word.
Volgens kol. Dimakatso Sello, polisiewoordvoerder, is daar terselfdertyd op verskillende plekke in Gauteng op die verdagtes toegeslaan.
Daar is op drie gekaapte voertuie, nog twee voertuie waarvan die enjinnommers afgevyl is, ’n 9 mm-pistool met ammunisie, ’n R5-geweer met ammunisie, ’n gaspistool, ʼn blou lig, metropolisie-weerkaatsbaadjies, SAPD-koeëlvaste baadjies, ’n sireneluidspreker en kontant beslag gelê.
“Die verdagtes het glo blou ligte gebruik om voertuie af te trek en dan te kaap. Al nege verdagtes sal na verwagting binnekort in die landdroshof verskyn.”
Genl.maj. Girly Mbele, waarnemende provinsiale polisiekommissaris, het die ondersoekspan geloof en die inhegtenisnemings verwelkom.
Mooi so! Mag hulle lank sit. Sommer vir altyd sodat dit ander kan afsit om polisie te speel. Terroriseer al lankal mense…about time.
Wie se hulle het polisie gespeel miskien deel van SAPS
Hulle saak gaan eers oor tien jaar afgehandel word en dan gaan hul wegkom met ‘n raps oor die vingers. Kriminele is mos helde…
En nog duisende op vrye voet danksy tekort aan respek vir oor die algemeen “effektiewe en parate” polisiemag. O ja, en n “briljante” minister waarvoor CR nie “bang” is nie.
GEEN BORGTOG NIE ASB.
Seker hulle sal kry teen R500 elk
Kom ons kyk wat ons regstelsel gaan uitrig. Hou nie asem op nie – seker weer nie genoeg bewyse!
En gaan die polisie in hul honderde opdaag by die hof om teen borg te protesteer ?
Ja en met ons polisie se ondersoek rekord sal hulle moontlik almal oor ‘n maand weer hul beroep kan hervat. Totdat affirmitive action en BBEee gekanseleer word SAL dinge net erger word. Wanneer jou regering so behep is met ras dat hulle nie besef dat die beste van jou bevolking, alle rasse, die land verlaat nie dan gaan dinge nog BAIE erger word. Gooi daarby nog ‘n skeut kader ontplooing en dan sien jy dat hierdie land goed op pad is na nog ‘n “Failed African state”
En dan moet mense of “survivors” (soos ek en my man) van hulle “aanvalle” op die N12 buite Bronkhorstspruit / Delmas nou seker maar vergeet van die eskapades wat gebeur het en die emosionele skade wat opgedoen is terwyl Mnr X gevange gehou word erens en dan oor n week vrygelaat laat word. Intussen is daar niks wat hom – en sy makkers – gaan keer om dit weer te doen nie.
En dan op R500 bortog vrygelaat
EK hoop van harte dat hierdie spul gemors nie BORG kry nie. Dis die hoofrede dat misdaad nie verminder nie, almal word borg toegestaan en gaan net aan waar hulle opgehou het. Goeie werk, hoop hulle vrot in die tronk
Well done SAPD