Nege botsings in 10 km weens swaar mis

Foto: Witbank 911

Foto: Witbank 911

Altesaam 70 voertuie was Vrydagoggend op ʼn 10 km-stuk van die N12 tussen Ogies en Witbank in Mpumalanga in botsings betrokke weens erge mis in die gebied.

Joseph Mabuza, woordvoerder van die provinsiale departement vir veiligheid, het aan Maroela Media gesê nege botsings het tussen 07:00 en 08:00 plaasgevind. Verskeie motors, vragmotors en selfs ʼn private ambulans was in die kettingbotsings betrokke.

Mabuza het gesê geen sterftes is aangemeld nie, maar dat vyf mense ernstig beseer is terwyl 12 mense net ligte beserings opgedoen het.

Volgens Mabuza is die pad gesluit ná die botsings plaasgevind het en is dit eers weer om 09:30 heropen nadat die mis opgeklaar het. “Met die winter wat op pad is wil die departement ʼn beroep op motoriste doen om versigtiger en geduldig te wees wanneer hulle in ʼn mistige gebied bestuur om sodoende botsings te voorkom,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Spokie ...

Dit is verskriklik en mens weet nie of roekelose spoed dalk ook ñ rol gespeel het nie? Ek het wel geleer om in digte mis, met jou “hazards” aan, STADIG te ry en dit werk beslis! Selfs jou mede bestuurders sien dit en doen so mee …

Leon Fourie

Ek self ry gereeld op die N4 na Nelspruit in digte mis.Die aantal voertuie insluitende vragmotors wat sonder ligte bestuur is skrikwekkend.Die arrogansie van hulle verstom my.Dis geen wonder dat daar orals ongelukke voorkom in digte mis nie.

Tiger

Dis weereens baie duidelik daar is BAIE ape agter voertuie se sture op ons paaie!!As jy nie kan sien nie agv digte mis,rook stof of swaar reen ,VERMINDER jou spoed DRASTIES en maak seker al jou voertuig se ligte is aan insluitend jou nood flikker ligte en MOENIE OP DIE RYVLAK STILHOU NIE!.Doen dit VER weg van die ryvlak af indien jy nie veilig voel om verder te ry in die omstandighede nie.Ai dis als so onnodig.Kyk net die skade .Dankie tog niemand is dood nie.As mens nie voor jou kan sien nie ry jy nie.

john Rogers

Ek was self 3 jaar gelede In n botsing in digte mis betroke nadat n swaar voortuig my van agter getref het. Mense gaan nooit roekolose bestuurders kan stop nie!
Waarom sluit die verkeersdepartement nie die snelweg VOOR n ongeluk gebeur nie!!! Waarom wag tot daar n ongeluk is en dan se gelukkig is niemand dood nie???
Dit gaan my verstand te bowe!
Prevention is better than cure!

Alien

Digte mis in en om Bronkhorstspruit vanoggend. Dankie aan almal wat betyds gewaarsku het oor die Putco bus wat in die middel van die pad onklaar geraak het. Geen driehoek nie en sy noodligte was glad nie voldoende nie.