Nege sterf in botsing in Oos-Kaap

Nege mense is dood en vier kritiek beseer in ʼn botsing vroeg Saterdagoggend tussen ʼn motor en ʼn minibustaxi op die N9 in die Oos-Kaap.

Tshepho Machaea, woordvoerder van Arrive Alive, het gesê ʼn Toyota Corolla en ʼn Toyota Quantum-minibus het tussen Graaff Reinet en Middelburg gebots. Die vier insittendes van die Corolla is in die ongeluk dood. Vyf insittendes van die minibus is dood. Die Herald PE berig twee van die oorledenes is kinders.

Volgens Machaea is vier insittendes van die minibus ernstig beseer in die ongeluk. Hy het gesê die presiese oorsaak van die ongeluk is nog nie bekend nie en dat die pad steeds vir verkeer gesluit is.