Nege sterf in gru-botsing

Argieffoto

Nege mense is dood toe twee voertuie Maandag in die vroeë oggendure buite Nelspruit in Mpumalanga gebots het.

Joseph Mabuza, woordvoerder van Mpumalanga se departement vir gemeenskapsveiligheid en sekuriteit, het gesê die botsing het omstreeks 03:50 naby Karino plaasgevind.

“ʼn Ligte afleweringsvoertuig en ʼn sportnutsvoertuig het mekaar reg van voor getref, waarna albei voertuie aan die brand geslaan het,” het Mabuza gesê.

Agt mense se liggame is op die toneel gevind. Sewe van die oorledenes se liggame is onherkenbaar verbrand.

Twee mense is na ʼn hospitaal geneem waar een later dood is.

Die oorsaak van die botsing is onbekend en word ondersoek. Die pad is vir verkeer gesluit terwyl die polisie en nooddienste werk om die toneel op te ruim.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Johann Marx

Totdat Suid Afrikaanse bestuurdes begin leer waarvoor ‘n soliede wit lyn in die middel van die pad geverf is……..sal daar net al hoe meer kop-aan-kop botsings plaasvind. Ek was Saterdag Potch toe vir Jool……….SEWE voertuie het my oppad soontoe verby gesteek op ‘n soliede wit lyn, of selfs dubbele soliede wit lyn. Dis asof hulle nie verstaan HOEKOM daardie lyn daar is nie?

snoefie

behoort daar nie ondersoek ingestel te word na hoekom voertuie bly brand nie? heng dis mos nie almal Fords nie.

Deloris

Johann Marx, ek voeg ook by…. en gekoopte of vervalste bestuurs lisensies.
Ek kan net my kop skud as ek sulke goef sien.

Piet Pompies

Die gedeelte van die pad is die hoofroete na ons buurland Mosambiek, dit is ook so dat oorlaaide en onpadwaardige voertuie gedurende die nag hul verskyning maak op die paaie.

Helen

N ligte aflewerings voertuig? 7 mense het gebrand? So daai voertuig was alweer oorlaai en was haastig want dit was gebruik vir n taxi?
Daar is al die andwoorde…..