Nelspruit-botsing eis twee

Die vragmotor se wrak. Foto: Netcare 911

Die vragmotor se wrak. Foto: Netcare 911

Twee mense is dood en 14 beseer nadat ʼn minibustaxi Dinsdagoggend teen ʼn vragmotor in Nelspruit gebots het.

Athlenda Mathe, woordvoerder van Netcare 911, het gesê paramedici van verskeie nooddienste het bystand gebied by dié botsing wat omstreeks 07:15 op die N4-snelweg in die rigting van Malalane plaasgevind het.

“Twee vroue was reeds dood toe paramedici by die toneel opgedaag het. Twee mense het kritieke beserings opgedoen en die res matige tot geringe beserings,” het Mathe gesê.

Die vragmotorbestuurder was in die kajuit vasgekeer en moes deur die brandweer uit die wrak gesny word.

Die beseerdes is na verskeie hospitale geneem vir verdere behandeling.

Die oorsaak van die ongeluk word ondersoek.

Die taxi se wrak. Foto: Netcare 911

Die taxi se wrak. Foto: Netcare 911

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

12 Kommentare

jongste oudste gewildste
Irene

Taxis ry en maak soos hulle wil kom kyk in Pretoria

Lulu

Verbasend dat ‘n foto geneem kon word voor die “rowers” die vragmotor se inhoud (suiker) kon wegdra. Dit bly maar sad as mense sterf maar ai tog die taxis!!!

Theresa

Taxis en vragmotors. Busse kort op hakke. Is daar statistiek beskikbaar vir hoeveel ongelukke hierdie 3 tipe bestuurders verantwoordelik is, asb??
Iets drasties fout met kwalifisering van hierdie drywers.

johann barnardj

Daar is geen reels vir agtergeblewenis nie

Piet Pompies

Huletts suiker voertuie is bekend op die N4 en het ‘n reputasie van goeie bestuurders en voertuie wat in goeie toestand is. Dit laat mens wonder oor die oorsaak van die ongeluk?