Vier mense is dood en vier kritiek beseer na ʼn trompop botsing op die N4, ongeveer 22 km buite Nelspruit in Mpumalanga.
“Twee mans en twee vroue, vermoedelik in hul 30’s, was reeds dood toe paramedici by die toneel opgedaag het,” het Pieter Rossouw, ʼn woordvoerder van ER24, in ʼn verklaring gesê.
Die pasiënte wat kritieke beserings opgedoen het is na die Rob Ferreira-hospitaal geneem.
“Die oorsaak van die ongeluk is nie bekend nie. Plaaslike owerhede is op die toneel.”