Nelspruit-plaasaanval ná beurtkrag

gerhard-kunnekeGerhard Kunneke (69) en sy vrou, Lynette (67), is Donderdagaand op hul plaas naby Nelspruit aangeval, kort nadat hulle beurtkrag gehad het.

Volgens Hi-Tech Security, ‘n veiligheidsmaatskappy in Nelspruit, is Gerhard oorval nadat hy buite toe gestap het om sy kragopwekker af te skakel nadat hulle beurtkrag gehad het.

Maroela Media het vroeër berig Gerhard is deur tussen drie en vyf verdagtes oorval en vermoedelik met ‘n graaf aangerand. Volgens Hi-Tech is Lynette in die gesig geslaan en gedwing om die kluis oop te sluit.

Kol. Leonard Hlati, woordvoerder van die polisie, het gesê die rowers het met vier vuurwapens, twee televisies en selfone, met ʼn gesamentlike waarde van R50 000, gevlug. Veiligheidsbeamptes van Hi-Tech was binne minute op die toneel en het die Kunneke-egpaar na ‘n nabygeleë hospitaal geneem.

Hi-Tech het intussen ‘n foto van Gerhard in die hospitaal op Facebook gelaai. “Ons is baie jammer dat die familie hierdeur moes gaan en het besluit om die foto vir die publiek te wys sodat almal die brutaliteit kan sien waaraan slagoffers tydens plaasaanvalle onderwerp word.”

Hlati het ʼn beroep gedoen op enigiemand met meer inligting om met lt.kol. Erold Ströh by 079 497 6817 in verbinding te tree.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Berhalet Beukes

Dit was ‘n kwessie van tyd dat aanvallers opportunisties raak gedurende beurtkrag. Ek hoop n saak word teen Eskom gemaak omdat die weerlose mense blootgestel word agv hulle swak beplanning en diens.

Peet Schabort

Wéér ‘n “inside job” want hulle het presies geweet van sy doen en late. Begin dus sommer naby soek vir die eerste een wat nie opdaag by sy werk.
Sterkte Gerhard, Lynette en jul familie.

scalla

Danksy eksdom, sterkte aan die familie

Kaaiman

Die aanval kon vermy gewees het. Ons bly in een van die geweldadigste lande ter wêreld. Moenie uitgaan sonder wapens nie; kry honde wat jou kan beskerm; belê in goeie beligting en spandeer die paar rand om die opwekker met afstandbeheer af te skakel. Begin dink mense, niemand is verantwoordelik vir jou veiligheid behalse jyself nie. As jy die slagoffers sou vra of hy/sy alles gedoen het vir selfbeskerming, sal hulle erken het: Nee.

Graham

Dis die 3rde plaas aanval die week NET MET N GRAAF DIE NUUTSTE “WEAPON OF CHOCE” wyk SATAN!!!!!!!!