NFP-man sluit aan by ANC

Pres. Cyril Ramaphosa en Sabelo Sigudu by ʼn ANC-byeenkoms in KwaZulu-Natal (Foto verskaf/ANA)

Sabelo Sigudu, navorser en hoof van kommunikasie by die National Freedom Party (NFP) het uit die NFP bedank en by die ANC aangesluit.

Sigudu het Sondag in ʼn verklaring gesê hy het aanvaar dat die ANC “die enige hoop” vir alle burgers is “en die NFP het sy kernwaardes in die politieke ruimte verloor”.

“Die progressiewe besluit om by die ANC aan gesluit, is gebaseer op die feit dat die ANC in my bloed is. Die ANC het my al van 13 jaar oud af grootgemaak toe ek by die [studentevereniging] Cosas aangesluit het. Ek het ʼn deeglike gesprek met my familie, vriende en ander belanghebbendes gehad om seker te maak ek neem ʼn ingeligte besluit. Dit is ʼn plesier dat hulle soveel ondersteuning bied. Dit was die beste besluit ooit om by die ANC aan te sluit,” het Sigudy bygevoeg.

Hy glo hy kan ʼn positiewe bydrae in die ANC lewer – van takvlak tot die boonste strukture. “Ek is gewillig en bereid om gelei te word en om vanaf takvlak te dien.”

Hy is nou deel van die verkiesingsveldtog en is gereed om selfs NFP-leier en adjunkminister van wetenskap en tegnologie, Zanele KaMagwaza Msibi, en ander op die opposisiebanke oor te haal om vir die ANC te stem.

Pres. Cyril Ramaphosa het Saterdag in oThongathi in KwaZulu-Natal ook die voormalige NFP- sekretaris-generaal Nhlanhla Khubisa in die ANC verwelkom. Ander hoëprofiel- NFP-leiers wat by die ANC aangesluit het, sluit in die party se adjunkvoorsitter in KwaZulu-Natal, Njabulo Mlaba.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Riaan

As by dink daar is enige hoop waar die ANC is dan het ek nuus vir jou jongman. Maak jou oe oop

Stebastiaan

Soos die meerderheid kyk hy ook vas in “leë” beloftes.

Stan

Gaan net oor wat sy nuwe salaris gaan wees. Volgende jaar dalk DA. Vir die idiote is dit net ‘n bron van inkomste en volg hulle nie werklik ‘n sekere ekonomiese of etiese stelsel na nie.

Boerboel

Korupsie is in hulle bloed. So ek dink sy party aanvaar nie korrupsie. By die ANC ry jy net die sous trein.

willem botha

Die seun gaan nog baie teleurgesteld wees oor sy ondeurdinkte stap.