Leraars van NG Kerk Namibië ‘verslae’ oor gay-besluit

Leraars van die NG Kerk van Namibië het Dinsdag sy misnoeë uitgespreek tenoor die Suid-Afrikaanse NG Kerk se algemene sinode se besluit rondom selfdegeslagverhoudings en selfdegeslagverbintenisse in die kerk.

“Dit is met groot hartseer, verslaentheid en gebrokenheid voor God dat ons, as leraars van die NG Kerk in Namibië, kennis geneem het van die besluit. Ons is van mening dat dit nie ʼn besluit is wat deur die Heilige Gees bepaal is nie, maar eerder deur die heersende sekulêre, humanistiese tydgees,” het die leraars in ʼn verklaring gesê.

Maroela Media het vroeër berig dat dié besluit verlede week op ʼn vergadering van die algemene sinode in Benoni aan die Oos-Rand geneem is, nadat die vorige besluit in dié verband nietig verklaar is. Daar is beslis dat die vorige besluit wat in 2015 geneem is, prosedureel foutief was.

Die algemene sinode se 2015-besluit was dat gay mense wél in die kerk mag trou. Dié besluit is egter daarna verskeie kere herroep en nou weer bekragtig.

Die algemene sinode moedig nou kerkrade aan om by die aanwysing van persone in die ampte, lidmate se doop, belydenis, roeping, spiritualiteit en getuienis van leer en lewe; toegang tot die sakramente; integriteit van verhoudings, asook geskiktheid vir die spesifieke rol enigeen in ag te neem ongeag ras, geslag, klas of seksuele oriëntasie en identiteit.

Omdat die NG Kerk in Namibië in ʼn ander land is, is hulle nie gebind deur hierdie besluit nie. “Ons kan egter nie agter ons grondwet wegkruip en stilbly en so ons broers en susters in die NG Kerk in Suid-Afrika in die steek laat nie, dit terwyl die Woord van God ons hoogste gesag is nie,” skryf die leraars.

Die Namibiese leraars het verder gesê dat hulle die besluit “ten diepste betreur” omdat dit in stryd is met God se Woord en dus ’n minagting van die gesag van God se Woord is. “Die hartseer is dat die algemene sinode nie net selfdegeslagverhoudings en verbintenisse goedkeur nie, maar van predikante en lidmate wat dit vanuit die Skrif as sonde veroordeel, verwag om twee onversoenbare Skrifstandpunte binne een geloofsgemeenskap te akkommodeer.

“Dit veroorsaak verwarring en skep die idee dat elkeen die Bybel kan lees soos hy of sy wil. Een predikant binne die NG Kerk sal gays wat saamleef oproep tot bekering en ’n ander een sal hulle aanmoedig om hul Godgegewe seksualiteit met vrymoedigheid uit te leef.”

(Foto: NG Grootkerk – Graaff-Reinet)

Die leraars in Namibië voer verder aan dat hulle oortuig is homoseksualiteit, soos enige ander sonde, siekte, lyding en onvolkomenheid, is die gevolg is van die gebrokenheid wat met die sondeval in die wêreld gekom het.

“Ons wil daarom medegelowiges wat worstel met hul homoseksuele oriëntasie in liefde vashou en begelei om hul Godgegewe roeping as kinders van God uit te leef. Ware lewensvervulling as kind van God word immers nie gevind in die uitleef van enige seksuele oriëntasie nie, maar in gehoorsaamheid aan my Goddelike roeping en in die uitleef van my identiteit in Christus.

“Ons glo heelhartig dat die Bybel ons leer dat die huwelik tussen een man en een vrou, saamgebind deur die liefde van Christus, ’n lewenslange verbintenis is en God se wil vir sy kerk is. Dit is ook die enigste wyse waarop ’n Christelike huwelik tot stand kan kom. Ons glo heelhartig dat die Bybel alle seksuele verhoudings buite die huwelik as sonde en opstand teen God se wil veroordeel,” het die leraars in hul verklaring gesê.

Die Namibiese leraars glo ook dat die integriteit, geloofwaardigheid en heiligheid van die kerk van Christus op die spel is wanneer mense wat bely dat hulle Christene is,  volhard in ’n lewenswyse van homoseksuele dade.

“Ons bely en erken die menswaardigheid van alle mense voor God, omdat alle mense geskep is na die beeld van God en Jesus Christus vir alle mense gesterf het. Daarom staan ons deure en harte oop om met die deernis en liefde van Christus alle sondaars, ongeag hul seksuele oriëntasie, te verwelkom, te bedien en pastoraal te begelei met die evangelie van liefde in Christus Jesus.”

“Ons is inderdaad in ʼn geestelike oorlog!” het Gilham geskryf.

Die Namibiese leraars was ook bang dat die algemene sinode se besluit mense verder van die kerk sou vervreem. Dit het die grootste protestantse kerk, die Presbyterian Church in the USA, wat “teologies liberaal geword het en homoseksualiteit heeltemal omhels het”, as voorbeeld uitgewys en genoem dat dit “letterlik miljoene lidmate verloor” het. Nuwe kerkverbande het ontstaan deur die wegbreking en skeuring wat gevolg het.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

157 Kommentare

jongste oudste gewildste
Andre Coetzee

Ja so tragies dat selfs die kerk nie meer die stem van die Heilige Gees kan hoor nie en eerder onder druk besluite neem om mense en oragnisasies gelukkig te hou.

Danien

En so gaan die NG Kerk ten gronde deur die mens wat nie gehoorsaam is aan die Woord van God nie.

Liezl

Ek slaan my oë op na die hemel, waarvandaan sal my hulp kom, my hulp kom van die Here. Dankie Namibie dat julle dit so insien. Ek is verstom oor die besluit van die Suid Afrikaanse NG Sinode. Hierdie gee my nou hoop dat daar tog mense is wat dieselfde as ek dit insien. God het die mens gemaak, hy is lief vir die mens, ongeag wat jy doen, maar Hy haat die sonde. Keer terug na Hom, jou sonde is jou eie besluit, jou eie wil. Buig jou knie voor Hom. Met hierdie kan die moordenaar mos maar ook… Lees meer »

Werner

Die NG kerk is besig om in n grap te verander met ander woorde ons kan nou maar dronk ook by die kerk aankom dan is dit ook reg

Charles

Dankie NG Namibië!

In SA staan NG Kerk nou vir Nuwe Gay Kerk.