NG Kerk neem finale besluit oor gays

Argieffoto

Argieffoto

Die NG Kerk het Vrydag die finale besluit oor sy beleid oor verhoudings tussen mense van dieselfde geslag aangekondig.

Die 16de Algemene Sinode van die NG Kerk het vandeesweek vergader om die kerk se finale beleid ten opsigte van homoseksuele verhoudings en die huwelik te vestig. Die kerk het Vrydag in ʼn verklaring aangekondig dat alle hetero- en homoseksuele mense wat in ʼn verhouding van persoonlike geloofsgehoorsaamheid aan die Here leef, ten volle mag deelneem aan al die voorregte en gebruike van die kerk.

Die kerk sal egter slegs ʼn wetlike verbintenis tussen ʼn man en ʼn vrou as ʼn huwelik beskou. Volgens die kerk se besluit sal daar wel erkenning verleen word aan die status van burgerlike verbintenisse tussen mense van dieselfde geslag. Predikante “wat hul weg oopsien”, kan hierdie verbintenisse bevestig.

Die kerk erken ook dat daar verskillende standpunte oor verhoudings en burgerlike verbintenisse tussen twee persone van dieselfde geslag is en het weer kerkrade se reg bevestig om hieroor hul eie standpunte en praktyke te formuleer en te reël. Die Sinode het ook versoek dat verskille oor homoseksualiteit binne gemeentes “in die gees van Christelike liefde” hanteer word.

“Die Algemene Sinode bied hierdie besluite oor selfdegeslagverhoudings aan met nederigheid ná ʼn ernstige soektog en as die beste toepassing van die boodskap van die Bybel soos ons dit tans verstaan,” het die kerk in ʼn verklaring gesê. “Die Algemene Sinode versoek lidmate, gemeentes en kerkvergaderings om weereens op ʼn selfstandige soekproses na die toepassing van die boodskap van die Bybel hieroor te gaan.”

Die kerk het aangedui hoewel dit die finale verklaring van die kerk se amptelike beleid is, sal daar nog klein veranderings aangebring word om die standpunt te verfyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

275 Kommentare

jongste oudste gewildste
Cheryl

Snaaks dat gay mense alle voorregte mag gebruik in die NG kerk, maar toe ek 18 jaar terug ‘n buite egtelike seun gehad het het die NG kerk geweier om hom te doop, wil dit bynoem ek was ‘n lidmaat van die kerk, van kleintyd af. Waar trek mens die lyn….

Bloues

NG Kerk. Waarheen is julle oppad??

Bekkie

Ja nee kyk, gays soek hulle eie spesiale regte.
Bybeltyd – gestenig.
Dis snaaks hoe die geloof aangepas word met die jare, en alles net eenvoudig aanvaar word.

Rooiman

Volgens Mark. 7:21-22; Rom. 1:24-31; 13:13; 1 Kor. 6:9-10; Gal. 5:19-21; Kol. 3:5-9; 1 Tim. 1:9-10 en 21:8 spreek o.a seksuele sonde (heter- en homoseksuele) aan. Verder: Gen. 9:20-27; 19:4-11; Lev. 18:22, 20:13; Rigt. 19:22-25; Eseg. 16:50; 18:12; 33:26; Rom. 1; 1 Kor. 6:9 en 1 Tim1 1:10; 2 Pet. 2:7 en Judas 7 spreek die sonde van homoseksualiteit direk aan. Iemand wat homself n kind van God noem KAN NIE in sonde volhard en ‘n Christelike lewe lei nie. As jy dit bely in berou, moet jy dit laat staan, anders is jou berou en belydenis vals. Die kerk… Lees meer »

christine

Hier trek jy nie meer die streep nie Cheryl. Dis tog duidelik. Sonde is maar reg. Al se die Bybel jy gaan hel toe. Solank hulle net reg lyk vir die wat in elk geval kan bekostig om n eie kerk te stig verloor maar die kudde. Breek af wat Afrikaans ruik. Om sal elders gaan waar die smalpad nog saak maak. Tot by God.