Keanu Bardenhorst.
Niemand is nog in hegtenis geneem in verband met die moord op Keanu Badenhorst (17), wat verlede week in hul huis op ʼn kleinhoewe oos van Pretoria doodgeskiet is toe hy sy ma en suster teen vyf aanvallers wou beskerm nie.
Kapt. Marissa van der Merwe, polisiewoordvoerder, het Dinsdag aan Maroela Media gesê hoewel niemand al vasgetrek is nie, gaan die ondersoek nog onverpoos voort.
Maroela Media het vroeër berig Keanu (17) het Donderdag net ná middernag tuis gekom ná sy skof by The Grub Father-restaurant waar hy as kelner gewerk het. Sy ma, Lelanie Storm (41), en suster, Leandrie (11), was saam met hom in die huis in die Welbekend-omgewing toe hulle deur vyf gewapende mans oorval en beroof is. Lees meer hier.
Keanu se gedenkdiens word Donderdag om 11:00 by die kapel by Leribisi Lodge, oos van Pretoria, gehou.
Van wanneer af is barbaarse moord bloot ‘n aanval? Is jul ook deel van die polities korrek bo menselewens brigade?
Hoeveel beloning gaan polisie aanbied v inligting in hierdie geval?????
Wil ek ook weet. Daar is ‘n R50 000 beloning vir ‘n taxi bestuurder se dood maar GEEN SENT vir die kind nie.
Ja. Dit lyk meer na rassehaat as iets anders.