Nigerië-ineenstorting: Oorskot land in Suid-Afrika

Die oorskot van die afgestorwenes land op 16 November 2014 by Waterkloof-lugmagbasis Foto: @haroldmaloka, Twitter

Die oorskot van die afgestorwenes land op 16 November 2014 by Waterkloof-lugmagbasis Foto: @haroldmaloka, Twitter

Die vliegtuig met die liggame van 74 van die 81 Suid-Afrikaners wat dood is toe ʼn gebou in Nigerië ineengestort het, het Sondagoggend by Waterkloof-lugmagbasis geland, het die SAUK berig.

Jeff Radebe, minister in die presidensie, Aaron Motsoaledi, minister van gesondheid en Bathabile Dlamini, minister van maatskaplike ontwikkeling, was by die lugmagbasis toe die vliegtuig geland het.

Die SAUK is op die aanloopbaan toegelaat voordat die vliegtuig geland het. Ander joernaliste moes by die offisiersmenasie van die basis wag.

Altesaam 116 mense is op 12 September dood toe ʼn gastehuis by TB Joshua se Synagogue Church of All Nations in Lagos ineengestort het. Altesaam 26 beseerde Suid-Afrikaners het ʼn maand gelede teruggekeer. Twintig van die beseerdes is reeds uit die hospitaal ontslaan en met hul gesinne herenig.

Die liggame sal nou na verskeie provinsiale lykshuise oorgeplaas word voordat privaat begrafnisse gereël word.
Lees vorige berigte oor die ineenstorting op Maroela Media.

Die oorskot van die afgestorwenes land op 16 November 2014 by Waterkloof-lugmagbasis Foto: @haroldmaloka, Twitter

Die oorskot van die afgestorwenes land op 16 November 2014 by Waterkloof-lugmagbasis Foto: @haroldmaloka, Twitter

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.