Die polisie in Mpumalanga doen ʼn geregtelike doodsondersoek ná twee meisies, onderskeidelik 18 en 15 jaar oud, in Mabulaladam by Mganduzweni Trust naby Witrivier verdrink het.
“Die twee niggies was Vrydag saam met hul vriende toe hulle na die dam gegaan het om klere te was,” het brig. Leonard Hlathi, woordvoerder van die polisie, gesê. “Een van die meisies het gegly en in die dam ingeval. Terwyl haar niggie haar wou red, het sy ook ingeval.”
Die meisies se vriende het tevergeefs probeer om hulle uit die water te haal. “Hulle het die polisie ontbied vir hulp en ʼn duikeenheid is ook ontplooi. Met die beamptes se aankoms op die toneel is die meisies egter deur mediese personeel dood verklaar.”
Die polisie doen ʼn geregtelike doodsondersoek.
Lt.genl. Mondli Zuma, provinsiale polisiekommissaris, het gesê die gemeenskap moet ekstra versigtig wees wanneer hulle naby riviere of damme is.
Ai toggie… so hartseer. Baie sterkte aan hulle familie, vriende en maats.
Ek bring nou weer n vroeer punt op en dit is dat ALLE kinders eerder moet swem lesse by skole kry en leer swem as seks opvoeding/klasse.
Hoeveel kinders verdrink nie jaarliks nie???