Nkandla-saak: Staat van beskuldiging gevrees

Pres. Jacob Zuma

Pres. Jacob Zuma

Pres. Jacob Zuma se regspan het Dinsdag in die konstitusionele hof erken dat hy wetlik fouteer het rakende die magte van die Openbare Beskermer, maar het bewerings dat hy te kwader trou opgetree het ontken.

Jeremy Gauntlett, Zuma se regsverteenwoordiger, het gesê dié bewerings kan die weg berei vir opposisiepartye om hom in ʼn staat van beskuldiging te plaas.

Gauntlett het Dinsdag aan die elf regters van die hof gesê dit is ʼn “sensitiewe tyd in ʼn gevaarlike jaar”. Die hofverrigtinge is tans aan die gang in die hofgeding tussen Zuma en die DA en EFF. Die opposisiepartye voer aan Zuma het die Grondwet oortree toe hy nie Thuli Madonsela, die Openbare Beskermer, se aanbevelings oor sy Nkandla-woning toegepas het nie.

“Dit sal verkeerd wees as hierdie hof ʼn uitspraak lewer wat daartoe kan lei dat die president in ‘n staat van beskuldiging geplaas word. Die DA en EFF kan dit probeer. Sommige het geargumenteer dat die president uitdagend was, maar dit was ʼn wetlike fout,” het Gauntlett gesê.

Gauntlett het vroeër aan die hof gesê Zuma aanvaar Madonsela se aanbevelings as “bindend” en hy is bereid om ʼn bedrag van belastingbetalers se geld terug te betaal.

Zuma het verlede week aangebied om die saak buite die hof te skik en ʼn gedeelte van die geld, wat deur die ouditeur-generaal bepaal sal word, terug te betaal, maar die DA en die EFF het gesê hulle gaan voort met hul hofaansoek.

Die verhoor duur voort.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
humor

Sal die leiers van die V F asseblief aan hul kiesers verduidelik waarom hul so afwesig bly. Dit skep allermins vertroue in die party en laat ons die kiesers in die duister.

DPJ

Nr 1 raak nou bang en wil graag die saak in privaatheid skik.
Daar sal seker niks van kom. Die 11 regters se uitspraat is gekoopn. All lankal in binnekringe geskik. Uitspraak sal eers na verkiesing gelewer word.

Hein

Ek sien selfs die konstitusionle hof regters is bang om hulle nekke uit te steek met ‘n sterk uitspraak teen Zuma. Hierdie hof is ook geinfiltreer deur die regime en hierdie land is al lankal nie meer demokraties nie. Wat maak stem dan saak as regverdigheid nie meer geskied.

Liewe heksie

En so gaan hy weer dink dit is n grap en die wereld uitlag en weer onder die mat invee maar eintlik is hy die grootse NAR in sy eie sirkus ‘eish ‘

Deon Bruyns

“ZUMA MUST FALL”
Doo dah, doo dah . . .