Nkandla-verslag: D-dag vir Zuma

Pres. Jacob Zuma

Pres. Jacob Zuma

Alle oë is vandag op die parlement gerig om te sien of president Jacob Zuma kommentaar gaan lewer op die Nkandla-verslag van die Openbare Beskermer, adv. Thuli Mandonsela.

JacarandaFM het Woensdag berig dat Zuma nie self die parlement hoef toe te spreek nie, maar dat ʼn brief van sy prokureur oor die aangeleentheid voorgelees kan word.

Mac Maharaj, die presidensiële woordvoerder, het aan die uitsaaier gesê die president sal volgens wet by die sperdatum hou en daarop ag slaan. Hy wou egter nie veel uitbrei oor wat Zuma se reaksie gaan wees nie.

Madonsela het haar finale verslag op 19 Maart bekend gemaak. Sy het bevind dat Zuma en sy familie ruimskoots voordeel getrek het uit die opgraderings ter waarde van R246 miljoen aan sy privaatwoning in Nkandla, KwaZulu-Natal.

Bron: JacarandaFM

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.