Die voertuig waarmee die ‘regeringsamptenare’ gery het (Foto: Verskaf)
Nog ’n verdagte is in hegtenis geneem nadat ’n groep vermeende plaasaanvallers vroeër die maand hulself as regeringsamptenare voorgedoen en toegang tot ’n plaas in die De Jagersdrift-distrik in KwaZulu-Natal verkry het.
Die verdagtes wou die betrokke dag kwansuis oor Covid-19 gesels waarna hulle ’n egpaar op die plaas probeer oorval het. Die egpaar kon egter vinnig hulp ontbied en die verdagtes is kort daarna in hegtenis geneem.
Altesaam agt verdagtes word nou reeds met die gepoogde aanval verbind.
Kol. Thembeka Mbele, woordvoerder van die polisie, het Vrydag in ’n verklaring gesê ’n 28-jarige man is onlangs in Boksburg in Gauteng in verband met die voorval in hegtenis geneem.
Dit is egter nie in dié stadium duidelik hoe hy betrokke is of op watter aanklagte hy teregstaan nie.
Mbele het wel gesê die man het reeds Donderdag in die landdroshof in Utrecht in KwaZulu-Natal verskyn. Hy bly in aanhouding tot sy volgende hofverskyning op 31 Augustus wanneer hy na verwagting aansoek om borgtog sal doen.
Maroela Media het vroeër berig vier aanvallers het hulself die betrokke dag as regeringsamptenare voorgedoen. Drie van die aanvallers is binne ’n kwessie van ’n uur deur lede van die gemeenskap vasgetrek nadat die egpaar daarin kon slaag om hulp te ontbied. ’n Vierde verdagte het selfmoord gepleeg.
Volgens Mbele is ’n voertuig met nog drie verdagtes die dag op die plaas gewaar waarna dié verdagtes ook in hegtenis geneem is.
Die verdagtes sal nou almal saam in Oktober in ’n hof verskyn, het Mbele gesê.
Lekker tjy!
Nice. Very nice. Doen so voort
Dankie dankie lekker
Is hulle wetklik Staatsamptenare of is.soos Gauteng se Bloulig Brigade
Die kriminele raak nou desperaat as hul sulke aanvals planne begin bedink en uitvoer
Snaaks dat die kriminele planne kan uitdink vir roof maar nie vir iets goeds nie….of is dit makliker …lyk nie so nie…..stupid stupid verby
Is dit nie miskien info wat die regering het waar die plaasaanvallers al die info vd boere kry nie. Die spul sal seker gou borgtog kry en dan verdwyn die dossier ook nog