Nog 4 positief getoets vir Covid-19 in SA

Die nuwe koronavirus Covid-19. (Grafika: CDC/Alissa Eckert, MS; Dan Higgins, MAM via Wikimedia Commons)

Daar is Donderdag altesaam 17 bevestigde gevalle van Covid-19 in Suid-Afrika aangemeld nadat nog vier pasiënte sedert Woensdag positief vir dié nuwe koronavirus getoets is.

Dr. Zweli Mkhize, minister van gesondheid, het bevestig dié vier nuwe gevalle is ʼn 38-jarige man van KwaZulu-Natal, ʼn 27-jarige vrou van Mpumalanga, ʼn 43-jarige man van Gauteng en ʼn 32-jarige man van die Vrystaat.

Die 32-jarige man van die Vrystaat was onlangs in aanraking met ʼn Chinese sakeman in Suid-Afrika. Dit is die eerste geval waar die virus plaaslik oorgedra is.

Die ander drie pasiënte het onlangs na die buiteland gereis.

Die 38-jarige man van Durban is positief getoets terwyl hy hier vir sy familie vanuit Turkye gekuier het. Hy het intussen na die Verenigde Koninkryk gereis en die afgelope naweek na Suid-Afrika teruggekeer.

Die 27-jarige vrou van Mpumalanga het onlangs na Amerika gereis. Die 43-jarige man van Johannesburg het die afgelope naweek na New York vanaf Dubai gereis en toe weer terug na Suid-Afrika.

Volgens Mkhize toon dié vier pasiënte matige simptome en word tans tuis onder kwarantyn gehou. Hulle word ook reeds vir hul simptome behandel.

Die departement is nou besig om diegene wat kontak met dié pasiënte gehad het, op te spoor.

Maroela Media het vroeër berig teen Woensdag is minstens 3 642 Suid-Afrikaners vir Covid-19 getoets. Meer as 115 000 mense wêreldwyd is gediagnoseer met die virus en 4 200 oorlede sedert die virus in Desember in China uitgebreek het.

Wil jy op die hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

37 Kommentare

jongste oudste gewildste
LYDIA

En so raak dit net meer en meer….

Faraway

Waarom nie n sentrale punt waar almal wat besmet is in SA saam kan wees met behandeling nie soos n hospitaal of kliniek spesiaal ingerig vir diegene . . .
Dit behoort virus te stop!

twaalfboor

So met ander woorde ons soek nou nog verteenwoordigers vir die oorblywende 5 provinsies.

Amanda

Waar in die Vrystaat is die geval?

Mariette

Wonder nou net waar is al die mense wat so ‘n bohaai gemaak het oor mense wat reis. Hierdie een geval het plaaslik gebeur en was nie eens in die buiteland nie.