Argieffoto
Konst. Rishen Rampashard van die Pretoria-Wes-polisiestasie het Maandag vlugtig in die Pretoria-landdroshof verskyn vir die moord op lt.kol. Reinier Lagois.
Lagois (42) is verlede maand koelbloedig by sy huis in Pretoria doodgeskiet, glo weens ʼn beweerde liefdesdriehoek. Rampashard is op 29 Januarie in verband met die moord in hegtenis geneem.
Staatsaanklaer Sipho Letsoalo het in die hof gesê buiten moord, staan Rampashard ook tereg op aanklagte van dwarsboming van die gereg en die besit van ʼn ongelisensieerde vuurwapen en ammunisie.
Die saak is tot 18 Februarie uitgestel wanneer Rampashard na verwagting om borgtog gaan aansoek doen.
Maroela Media het vroeër berig Lagois se liggaam is op 18 Januarie by sy huis in die Pretoriase Moot gevind. Altesaam 14 patroondoppies het op die toneel gelê en sy blougrys Toyota Corolla was vermis. Die motor is op 20 Januarie ongeveer 7 km van sy huis verlate langs die pad aangetref. Lagois was die hoof van ondersteuning by die Leote-polisiestasie.
Lees alle vorige berigte oor lt.kol. Reinier Lagois op Maroela Media.
Sterkte aan die familie en vriende van Lagois. Al is die leun hoe snel die waarheid agter haal homwel.
Geen borg vir verkragters, moordenaars en rowers. Is dalk erens n petisie wat ons kan teken daarvoor
Enige nuus die aansoek om borgtog vandag?