Nog drie vra vir genadedood

Argieffoto

Argieffoto

Drie mense wat terminaal siek is, berei tans hofaansoeke voor om te versoek dat dokters hulle bystaan om wetlik hul lewe te beëindig.

Netwerk24 berig Lee Last, ʼn uitvoerende lid van die organisasie Dignity SA, het Woensdag gesê drie mense het die groep gevra om hulle te help om hul onderskeie aansoeke by die hooggeregshof in te dien.

Volgens Last het die persone na verwagting ses maande oor om te lewe. Hul aansoeke is egter nie dringend nie en sal op die gewone hofrol geplaas word.

Dit volg ná verlede week se hofbeslissing dat die voormalige advokaat, Robin Stransham-Ford, met behulp van ʼn dokter sy eie lewe kon beëindig sonder dat die dokter vervolg of dissiplinêr verhoor mag word. Stransham-Ford het aan prostaatkanker gely wat na ander dele van sy liggaam versprei het en reeds in ʼn gevorderde stadium was.

Die hooggeregshof in Pretoria het ʼn dringende aansoek deur Stransham-Ford toegestaan dat ʼn dokter hom mag help om sy lewe te beëindig. Hy is egter aan natuurlike oorsake dood slegs twee uur voordat die uitspraak gelewer is.

Regter Hans Fabricius het ʼn aansoek deur die staat en die Raad vir Gesondheidsberoepe om die beslissing terug te trek, geweier. Hy het gesê die saak is in openbare belang en raak meer mense as net Stransham-Ford.

Netwerk24

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Jean

And they are off!

Revelation 9:6 And in those days shall men seek death, and shall not find it; and shall desire to die, and death shall flee from them.

Anyday now..

Ronel

Ek se maak dit legal elke mense het n besluit oor hulle eie lewe vandag..As ek moet gediagnoseer word met kanker sal ek dit ook verkies voor ek lui..Het 2 familie lede sien lui tot op die laaste deur kanker ek sal nie deur so iets ooit wil gaan nie

jana

Hoe “lui” iemand? Seker met jou foon of wat?

jana

Hoe “lui” iemand, Ronel? Oo jaaa…seker as hy bel?

Marietjie

Ek het te lank in ‘n hospitaal gewerk en hopeloos te veel onnodige lyding gesien en is ‘n voorstander van genadedood. Dit is nes aborsie, elkeen se persoonlike besluit. Respekteer dit en laat die pasiënt met waardigheid en rustig gaan.