Nóg een vas vir Centurion-aanval

Ruan van Heerden (Foto: Facebook)

Die Gautengse polisie het Dinsdag ’n derde verdagte in hegtenis geneem in verband met die aanval op ʼn egpaar van Centurion.

Brig. Mathapelo Peters, polisiewoordvoerder, sê ’n 20-jarige man is vanoggend by sy werkplek in die The Grove Mall in die ooste van Pretoria in hegtenis geneem vir sy beweerde betrokkenheid in die aanval op Barnie en Magda van Heerden.

Maroela Media het vroeër berig die egpaar, onderskeidelik 54 en 49 jaar oud, is Vrydag in die vroeë oggendure in hul huis in Pierre van Ryneveld oorval en met ’n skerp voorwerp aangerand.

Die egpaar se seun, Ruan van Heerden (18), het reeds Maandag in die Pretoriase landdroshof verskyn in verband met die aanval op sy ouers. Hy staan tereg op aanklagte van poging tot moord, roof met verswarende omstandighede en motordiefstal.

Ruan is ure ná die voorval in Aliwal-Noord in die Oos-Kaap in hegtenis geneem waarna ’n 17-jarige meisie Maandagaand in Waterkloof, Pretoria, in hegtenis geneem is. Sy sou na verwagting vanoggend in ’n hof verskyn.

ʼn Voorlopige ondersoek dui daarop dat Ruan en die meisie na bewering die egpaar oorval en aangerand het. Die twee verdagtes het daarna glo in Barnie se voertuig op die vlug geslaan. Dié voertuig is ure later verlate naby Tembisa opgespoor.

Dit is nog onbekend hoe die meisie asook die derde verdagte aan Ruan of sy ouers verwant is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

20 Kommentare

Genieve ·

Wonder wat sou deur die kind se gedagtes gegaan het om so iets te doen?? jou eie ouers doodmaak?

Pixie ·

Hul is nie dood nie maar is erg aangerand. Die ma was gister nog in die intensiewe eenheid. Dis nogsteeds baie erg.

toy ·

Dit is kinders wat dink hulle is groot, hulle moet maar hulle straf vat soos ‘n groot mens. Om te dink iemand wat jou groot gemaak het moet jy so behandel. Dit is siek.

thelsa ·

Te veel geld tot kinders se beskikking stel hulle in staat met ‘n klomp goed te eksperimenteer. Hulle kan nog nie behoorlik loshande op ‘n pot sit dat dink hulle hulle is groot.

Cathy ·

Dis gewoonlik, as mens gaan kyk na vorige gevalle, ‘n geval van dwelm geld in die hande kry. Baie sad… Hoe voel ‘n ouer se hart as sy eie kind dit doen…

RR ·

Vertrou die ouers herstel liggaamlik en geestelik sterkte. Die jongman moes nou al sy oproep brief vir nasionale diensplig gekry het of stuur hom vir Rooies op krokedilplaas want hy kort Jesus in sy lewe nie ‘n meisie.

Wielspore ·

Dwelm verslawing en die gevolge daarvan onder jong seuns kommerwekkend. Mense wat naby ons woon se skoolgaande seun was verslaaf aan dwelms, die ouers het hulle beste gedoen om self die kind te help om die verslawing te los. Op ‘n tragiese dag het die seun sy ma met ‘n krieket kolf vermoor en hy het toe selfmoord gepleeg. Stuur eerder die verslaafde kind na ‘n sentrum toe waar die regte hulp verleen kan word.

Onnie ·

Wielspore, soos ek verstaan kom hy so pas uit rehab uit. Ouers moenie streng raak en voet wil neersit as jou kind reeds die pad byster geraak het nie. Kinders moet van baie klein af gedissiplineer word. Respek geleer word. By die rehab ontmoet hulle maatjies met dieselfde “belangstellings” as hulle en as hulle daar uitkom vang hulle saam groter gemors aan as voorheen! Dis maklik waar hy die meisie ontmoet het wat hom nou gehelp het om sy ouers aan te val. Voorsorg is beter as nasorg. U cant teach an old dog new tricks. Dis jammer om te besef dat dit vir party mense, op die Jong ouderdom van 18, reeds te laat is. Bou n goeie verstandhouding met jou kinders van kleins af, dan sal hulle jou leiding aanvaar as dinge begin moeilik raak.

Praat Verniet ·

Dit gebeur as kinders dink hulle is in beheer en geen respek vir mens of dier meer het nie. Seker nog altyd hul sin gekry en kan nie nou aanvaar dat dit nie so is in die volwasse lewe nie!

aj ·

Dwelmverslawing is die grootste bedreiging wat SA in die gesig staar.

Dit is gevaarliker as HIV, STAATSKAPING, RASSISME, KLIMAATSVERANDERING, DROOGTE, JUNK STATUS, BEURTKRAG, OORLOG of REWOLUSIE!

Want dwelmverslawing verander goeie mense in wrede misdadigers … wat tans ‘n rol speel by 80% van alle misdaad.

Dwelmverslawing is so gevaarlik dat 21 lande wêreldwyd die doodstraf toepas op dwelmhandelaars!

JAMMER OOR DIE SLEGTE NUUS!

PJC ·

Mense besef nie hoe gevaarlik dwelmverslaafdes is nie. Dit is een van die grootste probleme in ons samelewing.

Veer ·

Sjoe, ek en Barnie se paadjie het ń paar jaar terug kortstondig gekruis en min het ek geweet watse beproewinge vir hulle voorlê. My hart bloei vir hierdie gesin, want niks gaan ooit weer dieselfde wees nie.

Tanya ·

Die is baie hartseer. Ek voel geweldig jammer vir die kind en sy ouers. Dit is hel!

jennefer ·

N mens kan jou kind hoé goed grootmaak, maar as jy hul nie elke dag aan God toebid nie, is jy, as ouer verder magteloos.

jaco ·

Dis net opvallend hoe vinnig wit naasbestaandes van vermoorde wit mense gevang word. Dit het seker ook maar met die ANC-regering se siek politieke korrektheid te doen, waar eintlik nie omgegee word vir wit mense nie.

Landi ·

Ja nee, you’re damned if you do and damned if you don’t…

Mielies ·

Goeie ouers maak slegte kinders groot … MAAR … slegte ouers maak ook goeie kinders groot! Dwelmverslaafdes sal enige iets doen vir geld om die gif in die hande te kry en almal wat hulle teëgaan in vyande! Sterkte vir die herstel en hartseer wat voorlë vir al die ouers betrokke en ook vir die rehabilitasie van die kinders.

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.