Die Nasionale Seereddingsinstituut (NSRI) het berig daar is steeds geen teken van ʼn visserman wat vermis is sedert sy kanoe Saterdagaand by Soetwater naby Kommetjie in Kaapstad omgeslaan het nie.
Ian Klopper, die stasiebevelvoerder van die NSRI by Kommetjie, het gesê hulle is net ná 10:00 Sondag in kennis gestel van die voorval danksy inligting deur die polisie dat ʼn man saam met ʼn 22-jarige vriend gedurende die nag visgevang en hul kanoe omgeslaan het.
Die 22-jarige het nie weer aan land gekom nie en is na verwagting vermis iewers in die see by Soetwater.
Verskeie NSRI-bote, duikers, die brandweer, provinsiale nooddienste, die polisie en ʼn helikopter is na die toneel ontplooi.
ʼn Omvattende soektog in die lug, langs die kus en in die water is uitgevoer, maar geen teken van die vermiste man is gewaar nie.
Die polisie ondersoek tans die saak en hul soek-en-reddingspan sal volgens Kloppers die soektog oorneem.
Is iemand regtig so verantwoordelik om in die see te gaan met ‘n kano sonder die nodige reddings baadjie?