Nóg ʼn aanval op Mpumalanga-plaas

Die gesteelde bakkie wat teruggevind is. Foto: Verskaf via Kasselman-veiligheidsdienste (KSS)

Die gesteelde bakkie wat teruggevind is. Foto: Verskaf via Kasselman-veiligheidsdienste (KSS)

Skaars vier dae ná die wrede moord op vier lede van die Smuts-gesin op hul plaas in die Balfour-omgewing, is nog ʼn vrou op ʼn Mpumalanga-plaas aangeval.

Henry Geldenhuys, die nasionale voorsitter van die TLU, het Donderdag aan Maroela Media gesê die vrou, Emily Schoeman, is Donderdag in die vroeë oggendure buite Standerton op die hoenderplaas waar sy werk, aangeval.

“Schoeman woon alleen in die huis op die plaas en is al ʼn geruime tyd ʼn werknemer van ʼn plaaslike boer. Sy is omstreeks 02:00 na die hoenderhokke om roetine-inspeksie te gaan doen,” het Geldenhuys gesê.

Hy verduidelik dat die hoenders 24 uur per dag vreet en sy moet daagliks omstreeks 02:00 gaan seker maak dat alles by die hokke vlot verloop.

“Ons vermoed sy is dopgehou en die aanvallers het haar roetine geken. Sy is deur twee verdagtes in haar huis ingewag toe sy teruggekom het van die hokke af. Die aanvallers het een van die ander deure oopgebreek as die een wat sy altyd gebruik, so sy het niks vreemds vermoed toe sy by die huis aangekom het nie. Sy beweer ook haar honde was kalm terwyl sy teruggestap het.”

Sy is in die huis aangerand en onder meer met ʼn blompot geslaan. Die mans het aangedring op die kluissleutels en het gevlug met haar bakkie, bankkaarte en ʼn 9 mm-pistool.

Geldenhuys het gesê Schoeman het alarm gemaak en die plaaslike veiligheidstrukture is geaktiveer, waarna verskeie boere van die gemeenskap, die polisie, die honde-eenheid en veiligheidsbeamptes van onder meer Kasselman-veiligheidsdienste (KSS) spoedig reageer het.

Die aanvallers is agterna gesit en die bakkie is by die ingang van ʼn informele nedersetting buite Standerton opgespoor. Die verdagtes het uit die bakkie gespring en op die mense wat op hul hakke was, geskiet. ʼn Veiligheidsbeampte van KSS het teruggeskiet en die verdagtes het op die vlug geslaan.

Na wat verneem word, is niemand tydens die skietery beseer nie. Die bakkie en van die vrou se bankkaarte is teruggevind. Die vuurwapen word egter nog vermis. ʼn Soektog na die verdagtes is van stapel gestuur en alle leidrade word opgevolg.

Volgens Geldenhuys is Schoeman gelukkig nie ernstig beseer nie, maar wel getraumatiseerd.

In die lig van ʼn vlaag plaasaanvalle die afgelope tyd oor die land, het Geldenhuys namens die TLU ʼn beroep op almal wat op plase woon, gedoen om ekstra paraat te wees en seker te maak hulle is by veiligheidsnetwerke ingeskakel.

Maroela Media het vroeër berig Gert Smuts (78), sy vrou, Paulina (71), hul seun Louis (47) en skoondogter Belinda (42) se liggame is Dinsdagoggend op die plaas Modderbult gevind nadat hulle Maandag deur ʼn onbekende aantal verdagtes aangeval en beroof is. Al vier is glo op teregstellingwyse geskiet.

Belinda en Paulina se liggame is met komberse tot onder hul kenne bedek en Louis en Gert se liggame albei met swart seile toegegooi.

Vier mense is Dinsdag in verband met die voorval in hegtenis geneem. Twee verdagtes, onder wie ʼn werker op die plaas, word moontlik met die moorde verbind. Hulle verskyn Donderdag in die hof op aanklag van moord. Daar is gesteelde ware in die ander twee verdagtes se besit gevind. Hulle het Woensdag in die hof verskyn op aanklag van die besit van gesteelde eiendom.

Buiten die aanval op Schoeman, was daar reeds minstens 30 plaasaanvalle in Februarie in Suid-Afrika. Ian Cameron, AfriForum se hoof van gemeenskapsveiligheid, het Dinsdagoggend in reaksie op die Smuts-gesin se moorde gesê 11 mense is reeds hierdie maand in plaasaanvalle vermoor.

“Hoeveel mense moet nóg in dié land vermoor word voordat daar daadwerklik opgetree word? Dit wil voorkom of die regering nie bereid is om landsburgers te beskerm nie,” het Cameron toe gesê.

Hy het gesê gemeenskappe sal self moet begin optree om plaasaanvalle te voorkom en dat die wet genoeg ruimte laat om dit te doen.

Van die vrou se bankkaarte wat gesteel is, is teruggevind. Foto: Via Kasselman-veiligheidsdienste (KSS)

Van die vrou se bankkaarte wat gesteel is, is teruggevind. Foto: Via Kasselman-veiligheidsdienste (KSS)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

49 Kommentare

jongste oudste gewildste
karlin

liewe hemel!!!! genoeg is genoeg!! no gaan ons terug moet gee wat hulle gee!! beskerm is al uitweg.. hou maar jul wapens gereed!!! want nog n lewe van ons wit mense gaan nie op so manier gevat word nie!!!!!!!! wees wakker en moenie nalatig wees nie.. dit sommer no genoeg!!!!!

AL

Dankie tog Here, dat daar n beter uiteinde is op hierdie aanval en sy nie gedood is nie. Soos U u genadige hand uitgesteek het om ons smeekgebede te verhoor vir reen tydens die knellende droogte, net so glo en vertrou ons dat U ons sal help met die land se probleme.
Ek wonder hoeveel opportunistiese aanvalle daar was en hoeveel is daar wie jou en jou roetine eers dophou voordat hul toeslaan?

Johann Barnard

Weet nie meer wat om te se!!!!!

m

Die hele mosambiek sak nou toe op die plase.

kwaad

Moenie kla as mense die reg in hulle eie hande begin neem nie!!!!!!!