Nóg ’n boer in KwaZulu-Natal vermoor

’n 50-jarige boer van Howick in KwaZulu-Natal is Vrydagoggend op sy plaas vermoor.(Argieffoto: Kent Williamson)

’n 50-jarige boer van Howick in KwaZulu-Natal is Vrydagoggend op sy plaas vermoor.

Die slagoffer is na bewering om 02:00 deur drie aanvallers in sy huis oorval en herhaaldelik met ʼn skerp voorwerp gesteek. Hy is later in die hospitaal dood.

Kapt. Nqobile Gwala het bevestig dat die Howick-polisie ’n saak van moord en roof ondersoek.

’n Werknemer wat glo ten tye van die voorval aan die slaap in haar kamer was, het in die vroeë oggendure ondersoek ingestel toe sy vreemde geluide gehoor het. In die huis het sy een van die aanvallers betrap waar hy besig was om die slagoffer met ’n skerp voorwerp te steek, terwyl die ander die huis geplunder het.

Die verdagtes het die werknemer glo na ’n ander kamer geneem, haar gesig bedek, haar arms en bene aan ’n stoel vasgebind en die deur gesluit.

“Sy het daarin geslaag om haarself later te bevry en hulp ontbied,” het Gwala gesê.

Gwala het bevestig dat die aanvallers in die slagoffer se motor gevlug en ook onder meer sy selfoon, skootrekenaar, televisie en vuurwapen gesteel het.

Volgens Guido Urlings, steundiensbestuurder vir gemeenskapsveiligheid by AfriForum, was daar vanjaar reeds 13 plaasaanvalle en drie plaasmoorde in KwaZulu-Natal.

“Daar was vir dieselfde tydperk in 2020 vier bevestigde plaasaanvalle en twee plaasmoorde. Daar is dus ’n duidelike toename in aanvalle en moorde vergeleke met dieselfde tydperk verlede jaar. In 2019 was daar egter 17 plaasaanvalle en vyf plaasmoorde,” het Urlings gesê.

Urlings het ook gesê dat die Covid-19-pandemie in 2020 waarskynlik ’n invloed op die afname in plaasaanvalle en ‑moorde in dié gebied gehad het vergeleke met 2019.

KwaZulu-Natal is die provinsie met die derde meeste bevestigde plaasaanvalle sedert die begin van die jaar. “Gauteng is eerste met 31 aanvalle gevolg deur die Noordwes met 19 aanvalle,” het Urlings gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
JohanR

My gooiste jy kan net boere bewonder! In Engels sal mens se “they are on the front line”. Waaneer die aand donker word is hulle op hulle eie.

Hoekom

WAAR IS DIE INTERNASIONALE MEDIA NOU??

……..NERENS……..

Willempie

Ek hoop van harte dat hierdie treurige nuus Sir Lewis Hamilton sal bereik.

LANA is ELANè

Dit is ‘n georkestreerde bloedbad op ons boere en die regering is in totale ontkenning, want dit het hul goedkeuring.

Edward Donald

Snaaks nê. Swart SA man in VSA dood geskiet. SA regeringtjie wil self ondersoek instel. NOG ‘N BOER GRU EN ONNODIG VERMOOR. Hallo Cyril & Behki…somma Mabula ook…julle is nou doodstil…mense van SA, dié is net ‘n kleine deel van hulle (anc) plan om ons land onregeerbaar te maak.