ʼn Tweede geraamte is op die strand by Saldanhabaai ontdek, net ʼn jaar nadat stappers in Januarie verlede jaar op ʼn ou seevaarder se geraamte afgekom het.
Die polisie het inwoners wat Saterdag op die strand wou gaan stap, voorgekeer, aangesien hulle besig was om die plek waar die menslike beendere gevind is, af te sper.
Volgens kaptein Tania Hellfrich, polisiewoordvoerder, is nog bitter min inligting oor die beendere bekend, maar dit word vermoed dat dit ook ou beendere is, soos dié van die 2021-geraamte. Dié behoort na raming aan ʼn seevaarder wat sowat 100 tot 200 jaar gelede geleef het. By dié beendere is sewe ivoorknope en ʼn metaalknoop gevind.
Volgens Hellfrich sal die Suid-Afrikaanse Erfenishulpbronagentskap (SAHRA) se forensiese verslag aandui wat die oorsaak van dood was. SAHRA sal die beendere na verwagting Dinsdag kom verwyder. Intussen bly dit onder polisiebewaking.
Kan Maroela dalk opvolg artikels gee oor die ander geraamtes wat ook op strande gevind is?
Interessant. Sal graag meer wil hoor.
Meer mbt die voriges sal inderdaad interessant wees.
Interessant….!