Canal Walk-winkelsentrum Foto: www.milnerton.info
Vier gewapende rowers het Saterdagaand op Canal Walk-winkelsentrum in Kaapstad toegeslaan, ʼn paar dae ná ʼn gewapende rooftog by die iStore in dieselfde sentrum.
“Vier gewapende mans het net voor 20:00 op die sentrum toegeslaan,” het kol. Thembinkosi Kinana, woordvoerder van die polisie aan die SAUK gesê. “Niemand is beseer nie.”
Maroela Media verneem die rowers het op Harris-juweliers toegeslaan en met ʼn onbekende hoeveelheid kontant en ʼn sak met baie duur juwele gevlug.
Kinana het bevestig die mans het in ʼn wit bakkie gevlug.
Die sentrumbestuur kon nie dadelik verdere besonderhede aan Maroela Media verskaf nie.
Lees meer oor die vorige rooftogte by Canal Walk-winkelsentrum.
