Nóg ʼn hospitaal deur boewe geteiken

Die doktershuise op die perseel van die Letaba-hsopitaal op Tzaneen waarop die aanvallers vroeg Donderdagoggend toegeslaan het. Foto SAPD

Gewapende rowers het Saterdagoggend vroeg by nog ʼn hospitaal in Limpopo toegeslaan.

Kol. Moatshe Ngoepe, woordvoerder van die polisie, het gesê die polisie loof nou ʼn beloning van R100 000 uit vir inligting wat tot die inhegtenisneming en skuldigbevinding van die oortreders van die twee aanvalle dié week kan lei.

In Saterdagoggend se voorval het gewapende rowers by die dokterskwartiere by die Lebowakgomo-hospitaal buite Polokwane toegeslaan. Die sewe verdagtes het ingebreek en dokters van geld, selfone en skootrekenaars beroof. Die verdagtes het deur ʼn betonheining gebreek om toegang tot die perseel te kry.

Dit kom na Donderdagoggend se voorval by die Letaba-hospitaal buite Tzaneen waartydens twee dokters geskiet is.

Lt.genl. Nneke Ledwaba, provinsiale polisiekommissaris, het reeds die 72 uur-aksieplan in werking gestel om die oortreders op te spoor.

“Die provinsiale taakspan, wat deur ʼn generaal‑majoor gelei word, is reeds hard op soek na die verdagtes in verband met die aanval by die Letaba-hospitaal. Dieselfde taakspan sal ook die ondersoek na vanoggend se voorval by die Lebowakgomo-hospitaal oorneem,” het Mojapelo gesê.

Enigiemand met inligting oor die voorvalle kan brig. James Esbach by 082 576 0743 kontak of kapt. Richard Boshomane by 079 894 5501.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Wilma

Almal weet mos kriminele het te veel regte daarom sal misdaad net aanhou. Govt moet begin optree en ook grondwet rakende kriminele verander

Michael

OOOO!!!!die misdadigers maak n bespoting van die ANC se beleid. kan jy dit oor vertel.

Kyk na my plek

As die dokters so na hul perseel kyk wil ek nie weet hoe hulle na hulle hospitaaltake kyk nie. Onkruid, oorgroei. Tipies ANC leierskap.

Kfn

Hoop net die Generaal-Majoor was nie 3 jaar gelede nog ‘n konstabel nie.?

Koos

Ag shame. Die mense het seker maar mediese hulp nodig. Of Dalk sal hulle een dag dit nodig he en dan is daar nie dokters vir hulle nie.