Nog ʼn kabinetskommeling aangekondig

Pres. Jacob Zuma. Argieffoto: Ntswe Mokoena, GCIS

Pres. Jacob Zuma het Dinsdag onverwags nóg ʼn skommeling in die kabinet aangekondig.

Prof. Hlengiwe Mkhize, voorheen minister van binnelandse sake, is aangestel as minister van hoër onderwys en opleiding. Sy vervang vir Blade Nzimande in dié posisie.

Buti Manamela, voorheen adjunkminister in die presidensie, is aangestel as die adjunkminister van hoër onderwys en onderrig.

Ayanda Dlodlo is uit haar pos as minister van kommunikasie geskuif en vervang vir Mkhize as minister van binnelandse sake. Mmamaloko Kubayi, voorheen minister van energie, vervang vir Dlodlo as minister van kommunikasie.

David Mahlobo, voorheen minister van staatsveiligheid, is aangestel as die nuwe minister van energie. Adv. Bongani Thomas Bongo vervang vir Mahlobo as minister van staatsveiligheid.

Zuma het in Maart vanjaar ‘n opskudding veroorsaak toe hy tydens ‘n kabinetskommeling Pravin Gordhan as minister van finansies en Mcebisi Jonas as sy adjunk afgedank het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

28 Kommentare

jongste oudste gewildste
Jaj

En daar val die rand seker weer.

Swapie

Ai tog. Arme Blade.

Will i am

Praat net teen hom en jy gaan

Janee

Laat my dink aan die Engelse gesegte “rearranging the deck chairs on the Titanic”.

Verwonderd

Ek wonder wat gaan oor minder as 2 maande van nou af gebeur by die ANC bosberaad…? Numa one klou aan sy mag, en maak sulke skuiwe vandag…?