Argieffoto
ʼn Sesjarige kind het ook Woensdag in Potchefstroom verdrink, op dieselfde dag wat ʼn driejarige in dié dorp in Noordwes verdrink het.
“Die sesjarige dogtertjie se voog het haar omstreeks 16:25 gestuur om lekkergoed te gaan koop by ʼn snoepie en sy en twee maatjies het soontoe gestap,” het sers. Kelebogile Moleko, woordvoerder van die polisie, gesê.
Volgens berigte het die drie kinders twee blokke verder na ʼn huis toe gegaan in Henrystraat, Promoza, om daar te gaan swem.
“Die werknemer by die huis het eers gaan ondersoek instel toe sy kinders hoor skree het,” het Moleko bygevoeg. “Sy het gesien die kind het verdrink.”
Paramedici het die kind op die toneel dood verklaar.
Die polisie stel ondersoek in.
Maroela Media het Woensdag berig ʼn driejarige het in ʼn swembad in die dorp verdrink. Klik hier om meer te lees.
Ek is sprakeloos . . .
Ja-nee, sprakeloos, hoe stuur jy so klein kind die strate in, in die eerste plek. Die kind kon selfs ontvoer geword het en weer verkrag en vermoor gewees het. Afwesigheid van toesig is n groot faktor in van die sterftes onder kinders die laaste tyd. n Ongeluk kan so gou gebeur, mens moet hulle soos valke dophou.
Blameer die ouers. Ek hoop van harte hier kom ‘n strafregtelike saak.