Lindiwe Zulu, minister van maatskaplike ontwikkeling. (Foto: Verskaf)
Lindiwe Zulu, minister van maatskaplike ontwikkeling, het nou ook positief getoets vir Covid-19.
Dít volg enkele dae nadat die minister van binnelandse sake, dr. Aaron Motsoaledi, ’n positiewe toetsuitslag ontvang het. Dié minister is tans in self-isolasie en sterk goed aan.
The Minister in the Presidency, Mondli Gungubele, also wishes Minister of Home Affairs, Dr Aaron Motsoaledi a speedy recovery after he tested positive for the Covid-19.
Minister Motsoaledi remains in good health and he is currently in self-isolation.
— Presidency | South Africa ???????? (@PresidencyZA) November 26, 2021
“Dit het alles begin met ʼn krapperige keel en ek het niks vermoed nie,” sê Zulu wat haar Sondag vir die koronavirus laat toets het nadat dié simptoon net nie wou wyk nie.
Sy het Maandagoggend haar positiewe toetsuitslag ontvang.
“Ek voel goed en ek kan dit toeskryf aan die feit dat ek ten volle ingeënt is,” sê Zulu te midde van al hoe meer vrese oor die Omikron-variant wat onlangs kop uitgesteek het.
Zulu is in hierdie stadium tuis in isolasie en sal van daar haar pligte as minister van maatskaplike ontwikkeling sonder enige ontwrigting uitvoer.
Sy het ook pres. Cyril Ramaphosa se pleidooi benadruk dat soveel as moontlik Suid-Afrikaners hul moet laat inent.
“Soos president Ramaphosa gisteraand beklemtoon het, is inenting die kragtigste instrument wat ons het en dit is nie te laat om ingeënt te word voordat die vierde vlaag ons hard tref nie,” sê die minister.
O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.
19 Kommentare
Los my net doodstil uit
En wat van die wat reeds herstel het…die natuur het nie “boosters” nodig nie.
Hoekom word die vaccines so in ons kele afgedruk?
Geagte minister, ek wil jou n vraag vra, watter verskil is in jou herstel en n ander persoon wat wat nie die inspuiting ontvang het nie, en ook die virus het wat ook maar by die huis moet aansterk.
Nou hoe het sy covid gekry, sy was reeds daarteen ingeënt? So die entstof werk nie.