Argieffoto: Departement van verkeersveiligheid
Simon Zwane, ʼn woordvoerder van die padverkeerbestuurskorporasie (RTMC), het gesê die verkeersinspekteur is deur ʼn lid van die padverkeersowerheid se teenkorrupsie-eenheid op die N12 tussen Wolmaransstad en Klerksdorp betrap. Die beampte het glo spoedkameras gebruik om motoriste te vang wat die spoedgrens oorskry en dan R100-omkoopgeld van hulle geëis om hulle sonder ʼn boete te laat gaan.
Hy is tans in polisieaanhouding en sal Maandag in die hof verskyn.
Volgens Zwane het die RTMC teenkorrupsie-aksies regoor die land van stapel gestuur in ʼn poging om nakoming van verkeersreëls te verbeter en wetteloosheid hok te slaan.
In Desember is ʼn lid van die Tshwane-metropolisie, Sebo Mathabatha, ook deur ʼn lid van die teenkorrupsie-eenheid in hegtenis geneem nadat hy glo ook omkoopgeld geëis het. Nog ʼn verkeersbeampte van die Emfuleni munisipaliteit, Oupa Mashiya, word tans in Vanderbijlpark verhoor nadat hy omkoopgeld van motoriste gevra het gedurende die Paasvakansie.
Zwane het die publiek aangemoedig om korrupsie en roekelose bestuur by 0861 400 800 aan te meld.
Dit kom redelik algemeen voor in NW provinsie gepaardgaande met n onbeskofte houding van die amptenaar veral as hy sien dat hy met ou mense te doene het.Diesulke persone vertel jou dat jy die spoedgrens oortree het maar as jy hulle vra om die lesing te sien dan se hulle jy kan maar ry nadat sy bluf nie gewerk het nie.
Selfde ervaring by 2 geleenthede gehad.
Die aller grootste wrakke beweeg tussen Koster en Derby rond, dan praat ou nie eens van die intou bakkies wat sonder lesensies onpadwaardig gereeld uitjaag na ongeluks tonele toe nie. Alkhol misbruik ook een van die euwels, onwettige imegrante n ander model van inkomste vir die sulkes. Noordwes is bekommer wekkend, vraag is waar en wie gaan die streep trek
Wat help dit hulle word gevang volgende week is hulle terug op hulle pos hulle moet onmiddelik afbetaal word ma ha hoe meer jy aanjaag hoe beter pos kry jy
Beslis provinsie met die hoogste korrupsie van verkeers beamptes.
Almal betaal te graag sonder om rug styf te maak. Loop die ekstra myl en roei korrupsie uit.
‘n R100 of R200 lyk vir motoris te aanloklik om nie in hof te verskyn nie.
Pragtig, haal hulle uit. Daar is baie werklose en eerlikke mense wat daai werk kan doen.
En hulle boelie vrouens. Ek is afgetrek. Omkoopgeld is geeis. Toe ek nie kontant by my het nie, kry ek n boete wat se ek het nie my veiligheidsgordel gedra nie. Ek het my gordel aangehad. Het nou by Makro vir my n dash camera gekoop.
Daardie kamera is die enigste oplossing.
DIs goed hulle vang die korrupte verkeersmanne maar die slegte nuus is dat hulle nie afgedank gaan word nie. Hulle word geskors (met volle vergoeding) solank die ondersoek duur. Indien hulle skuldig bevind gaan word, moet eers gekyk word om hulle te “rehabiliteer” alvorens hulle afgedank kan word. Jy raak nie deesdae sommer maklik van ‘n skelm ontslae nie. Daar is te veel wette wat hulle beskerm. Hulle moet eers hoevele skriftelike waarskuwings kry en verhore, ens,