Nóg ʼn plaasaanval in die Vrystaat

windpomp_Reint_Dykema.jpg

Foto: Reint Dykema

ʼn Egpaar is Sondag in die vroeë oggendure op hul plaas in die Reitz-distrik in die Vrystaat aangeval.

Kapt. Zweli Mohobeleli, woordvoerder van die polisie, het gesê die egpaar is omstreeks 03:30 wakker gemaak deur vyf aanvallers wat reeds in die huis was. Die aanvallers het die egpaar vasgebind en die huis deursoek. Volgens Mohobeleli is vier vuurwapens en ʼn voertuig gesteel.

Jan van Niekerk, VF Plus-leier in die Vrystaat, het die egpaar as Kobus en Marlise van Niekerk geïdentifiseer. Volgens Van Niekerk is Marlise tydens die beproewing met ʼn voorwerp oor die kop geslaan terwyl sy gedwing is om die kluis in die huis oop te sluit.

Die Van Niekerk-egpaar is ná die aanval na ʼn hospitaal in Bethlehem geneem.

Die egpaar se voertuig is later verlate op die N3 tussen Warden en Villiers aangetref. Die aanvallers is egter nog soek.

Maroela Media het vroeër berig dat die bebloede liggaam van Marie Venter Saterdag in haar huis in Reitz aangetref is nadat sy vermoor is. “Die twee aanvalle in die provinsie die afgelope naweek dien as bewys dat die regering faal om landelike veiligheid te verseker,” het Van Niekerk gesê.

“Die populistiese diskoers oor grond in Suid-Afrika dra by tot die gewelddadige klimaat wat heers in landelike gebiede. In hierdie twee afsonderlike aanvalle was inwoners die slagoffers van die herhalende leuens wat sommige politici oor grond, wit boere en bevoorregting van wit mense versprei.”

Van Niekerk het gesê die VF Plus sal weer die provinsiale polisiekommissaris in die Vrystaat versoek om dringend met die party te vergader om landelike veiligheid te bespreek, aangesien hy nie op die party se vorige versoek gereageer het nie.

“Met toenemende druk vanuit die buiteland kan die ANC-regering nie anders nie as om te erken dat plaasaanvalle tot prioriteitsmisdaad verklaar moet word, asook dienooreenkomstig optree deur spesialiseenhede op die been te bring om landelike veiligheid te verseker.”

Hy het sy waardering uitgespreek teenoor die polisie en die boere in die gemeenskap wat vanoggend vinnig op die plaasaanval gereageer het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Johan

Die enigste ding erger as n oorlog, is om dit te verloor.

Ons sal moet begin dink hieroor?

Hanna Hoekom

“Kill the Boer, kill the farmer” en “One setler, one bullet” is mos net ou bevrydingsliedjies, reg? Die hof wonder nou nog daaroor… Nou ja, hier is die liedjies in aksie! Plaasmoorde moes lankal tot prioriteitsmisdaad geklassifiseer word. Gelukkig kom ons kos van Shoprite en die ander winkels af. Niks met boerdery te doen nie…

Natan

Die soort misdaad sal nie as prioriteitsmisdaad verklaar word nie. Die regering is hierby betrokke, die klimaat vir hierdie gebeure word deur hulle en ander partye bevorder. Lyk my COPE maak sinvolle uitsprake in hierdie verband.

Plaasaanvalle is volksmoord, veral omdat die minderheid geteiken word. Die ANC met hul kamstige menseregte. Die struggle teen apartheid is ‘n rookskerm/front, dit gaan primêr om die land te beroof van sy welvaart wat goed uitgeoefen is deur Zuma en kie. Daarby word sekere buitelandse en ou koloniale magte bevoordeel.

Joshua

Agri- ANC Broederbonders, enige kommentaar?

Slagoffer.

Hulle sal nie ophou om mense aan te val , maak nie saak watter ras. Solank jy op n plaas of afgelee plek bly. Die motief is moor roof en plunder, te vlug en die buit te verdeel. Dis al.Hulle wil nie intrek of verder boer nie. Dis te veel werk.Bloed vergiet van mens en dier is makliker.