Nog ʼn plaasaanval in die Vrystaat

Argieffoto: Nico Strydom

ʼn Boer is verskeie kere met ʼn mes gesteek tydens die vierde plaasaanval in net meer as ʼn week in die Vrystaat.

Sers. Martin Xuma, woordvoerder van die polisie, het gesê die 52-jarige boer is omstreeks 06:30 Saterdag op sy plaas in die Tweespruit-omgewing aangeval.

“Hy het die honde hoor blaf en is na buite om te sien wat aangaan. Hy is na sy kantoor wat losstaande van die huis is. Die kantoor was nie gesluit nie en hy het ʼn man in die kantoor aangetref.”

Volgens Xuma het die man, wat nie bekend is aan die slagoffer nie, ʼn mes uitgepluk. Die boer is in die bors en twee keer in die rug gesteek. Die aanvallers het hierna met die boer se Land Rover gevlug. Hy het egter naby die toneel teen ʼn boom vasgery en verder te voet gevlug.

Xuma het gesê die boer sterk in ʼn stabiele toestand in ʼn hospitaal aan. Niemand is nog in hegtenis geneem nie en die polisie ondersoek sake van aanranding met die doel om ernstig te beseer en motordiefstal.

Enigiemand met inligting oor die voorval kan die ondersoekbeampte by 082 466 7899 of die Tweespruit-polisiestasie by 051 963 9301 bel.

Die jongste aanval volg ná twee plaasaanvalle op 20 April waartydens drie mense vermoor is. Pieter van der Berg (49) en sy huishulp Tsietso Matsabisa (57) is op ʼn plaas in die Wepener-distrik vermoor. Johannes du Randt, ʼn boer van Ladybrand, is dieselfde dag wreed op sy plaas vermoor.
ʼn 87-jarige boer van die Parys-distrik is op 19 Maart aangeval en met ʼn hamer geslaan. Hy is later die week aan sy beserings dood.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Wapen

Dra jou vuurwapen deurentyd aan jou lyf!! Onthou dat jy maklik die volgende kan wees maar beslis nie die eerste.
Hierdie aanvalle begin nou werklik onrusbarend raak en daar is ook kere wat dit té maklik plaasvind. Is daar nóg van ons wat dink dat dit net met ander gebeur?
Sterkte aan die boer.

Kwaad

Is die boere nie bewus van die plaasaanvalle nie of dink hulle dit gebeur net met ander mense? Soos die meeste mense mos maar dink hulle gaan vir ewig lewe en net ander mense gaan dood! Die honde waarsku daar is iets aan die gang en steeds word daar sonder wapen in die nag uitgegaan om ondersoek in te stel! Kan maar net sowel ontslae raak van die honde en met oop deure en vensters slaap.

Werk Doen

Moet ons nou die SAPD se werk vir hulle doen, dit is nou al die hoeveelste keer dat hulle nommer verskein waarin hulle vra dat die publiek moet help opsporing doen

pieter

Wens so die mense wil eers mooi kyk voor hulle uit gaan as die honde blaf se net vir iemand binne in die huis as jy uit gaan dat hulle ogie hou moet nie net uit gaan nie mense hulle maak julle dood.

buks

As jy die grond gekoop het waarop jy bly dan is jy mos die baas van die plaas. As Gerrie die saak vat sit die slegte man baie lank.