Nóg ʼn plaasmoord in die Vrystaat

plaasaanvalle

Argieffoto: SAPD

Drie mense is Donderdag in twee afsonderlike plaasaanvalle in die Vrystaat vermoor.

Kapt. Phumelelo Dhlamini, woordvoerder van die polisie, het gesê Johannes Petrus du Randt (67) is omstreeks 20:30 op die plaas Elim buite Ladybrand vermoor.

Volgens Dhlamini was Du Randt se bejaarde ma ook in die huis. Sy is fisiek ongedeerd. Du Randt se moordenaars het wit jasse en wit stewels aangehad. Hulle het met ʼn haelgeweer gevlug en niemand is nog tot dusver in hegtenis geneem nie.

Die polisie ondersoek ʼn saak van moord en huisroof.

Du Randt is glo met verskeie skerp voorwerpe doodgesteek. Enigiemand met inligting word versoek om die Ladybrand-polisiestasie te kontak by 051 923 4000/4001/4002 of Crime Stop by 08600 10111.

Maroela Media het vroeër berig ʼn boer en sy huishulp is Donderdag omstreeks 12:00 koelbloedig vermoor op ʼn plaas in die Wepener-distrik. ʼn Boer van ʼn naburige plaas het op die gru-toneel afgekom en die polisie ontbied.

Die 49-jarige boer se liggaam in ʼn plas bloed in die plaashuis se sitkamer gevind. Sy bene was vasgebind. Die huishulp (55) se liggaam is op die grond in een van die slaapkamers gevind. Haar bene is ook vasgebind en haar mond en oë is met lappe bedek.

Die boer is intussen geïdentifiseer as Pieter van der Berg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
m

Ai tog kan die gemors nie maar verdamp nie….

hiehie

Of uitgevoer word nie!!!!!!!

Ari

Wit jasse en wit stewels soos by die slagpale…

snoefie

kapt phumelelo dlamini jy het vergeet om te sê wat julle gaan doen om die moordenaars op te spoor en wat julle gaan doen om plaasmoorde te stop.

Peet J

MM baie dankie vir die inligting wat julle aan ons voorsien oor die plaasaanvalle, moorde ens. Ons kan nie veel meer kommentaar oor die moorde op ons mense lewer nie want wat ons wil sê is alreeds in die verlede gesê tans neem ons maar net kennis van die tragiese gebeure. Nogmaals baie dankie en moet ons nie in die steek laat deur middel van julle beriggewing nie, om kommentaar te lewer dien darem ook as ‘n uitlaatklep vir ‘n persoon se gemoedstoestand.