Nog ʼn soldaat vas wat motors glo oor grens smokkel

(Argieffoto: Pixabay.com)

Nog ʼn lid van die weermag is Woensdag in hegtenis geneem vir sy beweerde betrokkenheid by ʼn motorsmokkelsindikaat.

Die 30-jarige soldaat is in die Noord-Kaap vasgetrek nadat hy glo tussen 2017 en 2019 deel was van ʼn sindikaat wat motors onwettig tussen Suid-Afrika en Zimbabwe gesmokkel het.

Sewe ander weermaglede is ook in Junie vanjaar onderskeidelik in die Vrystaat, die Noord-Kaap en Noordwes in hegtenis geneem in verband met dié smokkelary.

Volgens kapt. Matimba Maluleke, polisiewoordvoerder, was die beskuldigdes destyds by die Beitbrug-grenspos ontplooi.

“Daar word beweer dat die weermaglede by dié grenspos saam met sindikate gekonkel het om gesteelde motors oor die Limpoporivier te smokkel in ruil vir geld,” het Maluleke gesê.

Die lede het dikwels die sindikate R15 000 per motor gevra, wat dan onder mekaar verdeel is.

Die verdagte sal na verwagting Donderdag in die Musina-landdroshof verskyn.

Die ander sewe beskuldigdes is reeds op borgtog van R3 000 elk vrygelaat. Hulle sal na verwagting weer op 25 Oktober in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
Genis

Kom ons nou n graaf n graaf… Hy is nie n soldaat nie, dis n skelm….

Wielspore

As ‘n soldaat dien jy jou land met die nodige trots en waardigheid en jou optrede moet dit reflekteer.

Souterig

Geen eer in sekere geledere.

Pablo

Net so korrupt en onbevoeg soos die polisie.

Hardekwas

Daar is geen eer, moraliteit en etiek onder our people nie. Dis asof hulle uit n miljoen jaar slaap ontwaak en plunder en tekere gaan soos oer mense.