Nóg ʼn trein in Kaapstad afgebrand

Treinwaens in ligte laai Saterdag by die Kaapstad-stasie. Foto: Verskaf

Nóg ʼn trein is by die Kaapstad-treinstasie aan die brand gesteek, presies ʼn week ná ʼn soortgelyke voorval by dié stasie wat miljoene rande se skade aangerig het.

Theo Layne, woordvoerder van Kaapstad se brand- en reddingsdienste, het gesê die brand het omstreeks 17:40 op platform 13 uitgebreek.

“Twee treinwaens het gebrand. Drie brandweerwaens en 19 beamptes het die brand onder bedwang gebring en niemand is tydens die voorval beseer nie,” het Layne gesê.

Brandstigting word vermoed.

Maroela Media het vroeër berig minstens ses treinwaens het verlede Saterdag heeltemal uitgebrand nadat trein 3420 omstreeks 15:39 by platform 15 van die stasie aangekom het. Die brand het tot by platform 16 versprei teen die tyd dat die brandweer sowat tien minute later opgedaag het.

Nog ʼn trein van Metrorail is Woensdag by die Retreat-treinstasie naby Muizenberg aan die brand gesteek en die dade word as terreur en sabotasie bestempel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
AmY

My ouers het gesê ek kan enigiets met my lewe doen. Ek het só baie potensiaal.
Toe word ek maar ‘n brandstigter.

Cora Simpson

Wat is hulle doel. Wat Kan hulle bereik deur andere se goed te vernietig. As hulle iets daarmee kry sal ek verstaan maar dit sit nie kos op die tafel nie. Dit gaan net my verstand te bowe

John

Wie baat by sulke skade? Taxi-base vir een. Diegene wat voor die verkiesing ‘n noodtoestand probeer afdwing ook. Dan is daar diegene wat altyd net kwaad is vir alles en sommer ook alles wat reg is en in werkende toestand, wil vernietig. Doofmiddels help om hierdie mense die spoor te laat verloor. Brande word deesdae regoor die wereld aangehits, maar wat die treine betref is dit interessant dat die mense so onsigbaar en slinks te werk gaan so tussendeur besige omgewings. Iemand word duur betaal om hulle te beskerm.

Nita

Sit die ANC nie agter hierdie gebeure nie? Dalk om die DA se sukses in die Provinsie te saboteer. Hierdie terroriste floreer op chaos.

Yster

Ek kan nie glo dat daar nou nog nie wagte of iets gedoen is nie. Wagte in elke trok . Stel 200 wagte aan party kan nog honde ook hê. Dit sal goedkoper kos.