Nog ʼn UKZN-koshuis aan die brand gesteek

ʼn Koshuis is Maandag (26 Sept. 2016) op die UKZN se Pietermaritzburg-kampus aan die brand gesteek. Foto: Facebook via Jerm

ʼn Koshuis is Maandag (26 Sept. 2016) op die UKZN se Pietermaritzburg-kampus aan die brand gesteek. Foto: Facebook via Jerm

ʼn Koshuis op ‘n kampus van die Universiteit van KwaZulu-Natal (UKZN) is Maandagoggend aan die brand gesteek.

Lt.kol. Thulani Zwane, woordvoerder van die polisie, het gesê die gebou op die Pietermaritzburg-kampus is omstreeks 07:15 deur ʼn groep van ongeveer vyf mense aan die brand gesteek. Hulle het nadat hulle die brand gestig het op die vlug geslaan.

Zwane het gesê ʼn saak van brandstigting word ondersoek en niemand is nog in hegtenis geneem nie.

Volgens ʼn African News Agencya (ANA-) korrespondent op die toneel, lyk dit asof die koshuis se televisiekamer aan die brand gesteek is. Daar was Maandagoggend geen berigte van protesaksie op die kampus nie en dit het gelyk asof klasse normaalweg voortgegaan het.

Die universiteit kon nie vir kommentaar bereik word nie.

Die UKZN se Pietermaritzburg-kampus het verlede week onder gewelddadige betogings deurgeloop nadat studente hulle by die landwye #FeesMustFall-betogings geskaar het. ʼn Brand is by die Malherbe-koshuis begin, voertuie is met klippe bestook en een student is beseer toe die polisie rubberkoeëls, skokgranate en traangas afgevuur het.

Nege studente is Donderdag in hegtenis geneem en is steeds in polisieaanhouding. Hulle sal na verwagting Vrydag om borgtog aansoek doen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
007

Geen borg hulle sal net weer gaan brand stig.

Tinus v zyl

Ag nee magtag!!

Johan Esterhuizen

As ons nie tevede is nie brand ons maar ons wil volgende Zuma en Gordan wees. Hoekom word dit toe gelaat wat het ander gesondig om nie tekan leer nie of bly nie. Betaal maar almal aan daai brand huis en voel wow

Columbiana

Dis belaglik. Imagine net hierdie mense as hulle eendag in die werksplek opeindig. Hou nie vd raad se besluit nie so brand kantore af. O wee dis pateties

Jef

In ander lande het studente die wil het om te leer maar daar is nie altyd geld daarvoor nie dus doen hulle alle soorte werk wat voor hande le om tog die studie te betaal, maar in SA wil sekere studente nie leer nie en die wat wel wil leer wil nie werk om studiegeld te spaar nie en studente die wel studiegeld het kan nerens studeer nie want alles word afgebrand.