Nóg ʼn vertraging in baba-porno-saak

Argieffoto

Argieffoto

WAARSKUWING: Die inhoud van hierdie berig is nie geskik vir kinders of sensitiewe lesers nie.

Die saak teen ʼn man van Plettenbergbaai wat twee jaar gelede in hegtenis geneem is in verband met ʼn internasionale babapornografie-netwerk, is Vrydag weer vertraag in die Knysna-streekshof.

Die 38-jarige rekenaaringenieur, wie se naam nie bekend gemaak kan word tot hy gepleit het nie, is op 13 Januarie 2015 in hegtenis geneem toe internasionale polisiebeamptes op sy strandhuis toegeslaan het. Die beamptes het na bewering beslag gelê op lêers met duisende foto’s en video’s van gewelddadige aanrandings en internetadresse van meer as 300 ander beweerde pedofiele.

Hy moes in die Knysna-streekshof verskyn ná ʼn reeks kwessies wat die klagstaat betref, maar die saak is tot 7 Februarie uitgestel, omdat hy nie opgedaag het nie. Sy prokureur, Carl Jeppe, het gesê sy kliënt is siek.

Die saak is onlangs byna van die rol geskrap oor kwessies met die klagstaat. Die hof is in Oktober in kennis gestel dat die direkteur van openbare vervolging daarop aangedring het dat die man vir elk van die 179 000 foto’s individueel aangekla moet word en dat elke foto in die klagstaat beskryf moes word. Daar is beraam dat die proses ongeveer drie maande sou duur.

Jeppe het versoek dat die saak van die rol geskrap moet word, aangesien hy van mening is die staat het meer as genoeg tyd om die klagstaat voor te berei. Ondanks sy pogings, is die uitstel egter goedgekeur en die staatsaanklaerspan het só goed gevorder, dat die saak teen 30 November na 27 Januarie uitgestel is.

Die man is die eerste Suid-Afrikaner wat in hegtenis geneem is as deel van Cloud 9, ʼn operasie deur Suid-Afrikaanse en Belgiese polisiebeamptes om ʼn kinderpornografiekring te stuit. Die kring word gekoppel met ʼn ontmoetingsplek op die internet vir pedofiele wat spesifiek fokus op die seksuele mishandeling van babas. Van die foto’s sluit die marteling en moord in van babas wat maar net ʼn paar dae oud is.

Lees alle vorige berigte oor Operasie Cloud 9 op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Manie

Hier loop honderde sulke pedofiele rond omdat ek vir n feit weet die slagoffers hulle nie wil aankla. Dit laat hulle toe om met hulle duiwels streke aan te gaan

Namibië

Ek het nie woorde nie. Hoe kan mens dit oor jou hart kry om ‘n onskuldige baba dit aan te doen. ????????

Ag Nee Here

VARK VUILGOED GEMORS…!!!!!!!!!!!

Geesie

Waar kry hulle die babas en waar is die ouers en waar is die lykies?

franje van spanje

Porn, porn, porn……….
Die wortel van ALLE kwaad.