Nog ʼn vragmotor loop deur in Wes-Kaap

Die vragmotor is Saterdag in Lwandle met ‘n petrolbom bestook. Foto: Twitter

ʼn Vragmotor is Saterdag in Lwandle in die Strand met ʼn petrolbom bestook.

Die vragmotor het op die hoek van die N2 en Onverwachtstraat by ʼn verkeerslig stilgehou toe dit geteiken is, het kapt. FC van Wyk, woordvoerder van die polisie, gesê.

“Drie mans het die vragmotor genader en dit met ʼn petrolbom gegooi voor hulle weggehardloop het.”

Die bestuurder en twee passasiers was in die vragmotor ten tyde van die voorval. Volgens Van Wyk het ʼn 32-jarige passasier beserings aan sy gesig opgedoen en is hy met ʼn ambulans na ʼn nabygeleë hospitaal vervoer. Die bestuurder en ander passasier is ongedeerd.

Die polisie ondersoek ʼn saak van kwaadwillige saakbeskadiging.

Saterdag se voorval volg nadat ʼn vragmotor van Gastao’s Quality Foods Woensdagaand met ʼn petrolbom gegooi is.

Dié voorval het op die hoek van die N2 en Broadlandsweg in Somerset-Wes plaasgevind. Volgens die maatskappy het een van die bestuurders sy sleutelbeen gebreek toe hy uit die vragmotor gespring het. Van Wyk het ook die voorval bevestig.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Cherokee

Die motief is onverstaanbaar, tensy die motief niks anders is as vandalisme.

Hanna Hoekom

Dit blyk dat sekere gemeenskappe net doodeenvoudig niks kan oppas of in stand hou nie. Hierdie gemeenskappe het geen respek vir mens of dier nie. En in n siek land soos Suid-Afrika word misdaad blykbaar nou as die nasionale sport beoefen (en beloon).

humor

Onsaglike skade. Niks ander as sinlose sabotasie nie. Is dit nie moontlik dat vragmotors met deeglike brandblussers van binne en buite toegerus kan word wat outomaties in werking kom nie.???

Zaks

Africa IK…seg alles! Brand jou bates, brand jou kos, brand jou land. Africanacity!

Delia

Saakbeskadiging??
Wat van poging tot moord!!!!!