Nog petrolbomme op Wits-kampus gevind

Die drie petrolbomme wat op 24 September 2016 op Wits se Braamfontein-kampus gevind is. Foto: @wits_news, Twitter

Die drie petrolbomme wat op 24 September 2016 op Wits se Braamfontein-kampus gevind is. Foto: @wits_news, Twitter

Drie tuisgemaakte petrolbomme is Woensdagoggend op die kampus van die Universiteit van die Witwatersrand (Wits) gevind.

Volgens ʼn student is ʼn rugsak met drie bierbottels met petrol daarin by die ingang in Raikes-weg op die Wes-kampus gevind. Polisiebeamptes was op die toneel met snuffelhonde. ʼn Polisiewoordvoerder kon nie onmiddellik vir kommentaar bereik word nie.

Gerugte doen ook die ronde dat daar mislukte pogings was om geboue op die kampus aan die brand te steek en dat verskeie badkamers met opset oorstroom is. Dinsdag moes studente die kampus verlaat nadat bewerings aan die lig gekom het dat ʼn bom op die kampus gevind is. Daar is later bevestig dat die “bom” slegs ʼn klapper was.

Op 24 September is daar ook drie petrolbomme op die Wits-kampus gevind. Betogende studente probeer weke lank al om die universiteit te dwing om te sluit totdat daar gehoor gegee word aan hul eis vir gratis tersiêre onderrig. Lesings het egter voortgegaan te midde van ʼn swaar teenwoordigheid van polisiebeamptes en private veiligheidswagte.

Die universiteitbestuur het gesê akademiese bedrywighede sal Woensdag voortgesit word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

7 Kommentare

Cherokee ·

Ek dink agter die hele storie skuil heel ander motiewe as wat op die tafel geplaas word.

andre ·

Ek wonder wie se finger afdrukke die polise op die petrol bomme sal vind?

Takkie Takuuza ·

Tuisgemaakte petrolbomme? Wonder of mens ‘n ander soort kry. Fabrieksvervaardig of so iets.

Jean ·

Nou wat hieraan is ‘n VREEDSAME BETOGING deur studente oor gratis opleiding? Ek sê weer, julle is besig om ‘n opstandige student te verwar met ‘n terroris en bomplanter .. wakker word voordat dit te laat is.

John ·

Nog bomme van ‘n ander soort word tans in die land vervaardig. Koes solank…

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.